पणजी: गोवा विद्यापीठाच्या आंतरमहाविद्यालयीन महिला टेनिकॉईट स्पर्धेत खांडोळा महाविद्यालयाने सांघिक विजेतेपद पटकावले. यापूर्वी त्यांनी पुरुष गटातही अव्वल कामगिरी बजावली आहे.

(Khandola Government College win goa university Women's Tennikoit Tournament)

ही स्पर्धा शनिवारी ताळगाव पठार येथील विद्यापीठ सिल्व्हर ज्युबिली हॉलमध्ये झाली. अंतिम लढतीत खांडोळा सरकारी महाविद्यालयाने केपे सरकारी महाविद्यालयावर 2-0 फरकाने विजय नोंदविला. अल्पिता खेडेकर हिने श्वेता गावकर हिच्यावर 21-5, 21-11 फरकाने, तर कल्पिता वेळकसकर हिने डॉली फर्नांडिस हिच्यावर 21-11, 21-5 फरकाने मात केली. उपांत्य फेरीत खांडोळा महाविद्यालयाने पेडणे सरकारी महाविद्यालयावर 2-0 असा, तर केपे महाविद्यालयाने म्हापशाच्या सेंट झेवियर्स महाविद्यालयावर 2-0 फरकाने विजय मिळविला होता.

विजयी खांडोळा महाविद्यालयाचे अल्पिता खेडेकर, कल्पिता वेळकसकर, तनाया गावडे व ततीक्षा गावडे यांनी, तर उपविजेत्या केपे महाविद्यालयाचे श्वेता गावकर, डॉली फर्नांडिस, छाया पाटील, अंकिता गावकर यांनी प्रतिनिधित्व केले. सेंट झेवियर्स महाविद्यालयाच्या शारीरिक शिक्षण व क्रीडा संचालक जॉस्लिन डिसोझा यांच्या हस्ते झाले. यावेळी गोवा विद्यापीठाचे शारीरिक शिक्षण व क्रीडा सहाय्यक संचालक भालचंद्र जदार, सहाय्यक क्रीडा अधिकारी अविध मोरजकर यांची उपस्थिती होती.