चीनची मोबाईल निर्माता कंपनी Vivo ने IPL प्रायोजकत्वातून माघार घेतली आहे. त्यांच्या जागी आता टाटा पुढील हंगामापासून IPL (IPL 2022) चे नवे प्रायोजक असतील. टाटा समूहाला आयपीएलचे नवीन प्रायोजक बनवण्याचा निर्णय 11 जानेवारी रोजी गव्हर्निंग कौन्सिलच्या बैठकीत घेण्यात आला. आयपीएल गव्हर्निंग कौन्सिलचे अध्यक्ष ब्रजेश पटेल यांनी क्रिकबझला ही माहिती दिली.

क्रिकबझला दिलेल्या माहितीत ब्रजेश पटेल म्हणाले, “विवोने प्रायोजकत्वातून हात खेचले आहेत. आणि आता त्यांच्या जागी टाटा आमचे नवीन शीर्षक प्रायोजक असतील.” विवोचा आयपीएलसोबतचा (IPL) करार अजून संपला नव्हता. त्याचा करार संपायला अजून दोन वर्षे बाकी होती. पण, त्याआधीच त्याने इंडियन टी-20 लीगमधून माघार घेतली. आता पुढील 2 वर्षांसाठी टाटा आयपीएलचे टायटल स्पॉन्सर असतील. याचा अर्थ असा की आयपीएल असेल पण ते टाटा आयपीएल म्हणून ओळखले जाईल, विवो आयपीएल नाही.