इंडियन प्रीमियर लीग (आयपीएल) सुरू आहे आणि दररोज संघ सामने खेळत आहेत. राजस्थान रॉयल्स (RR) च्या संघाने आतापर्यंत चांगला खेळ दाखवला आहे, परंतु यादरम्यान त्यांच्या एका खेळाडूने मोठी घोषणा केली आहे. न्यूझीलंडचा खेळाडू जिमी नीशम सोशल मीडियावर नेहमी चर्चेत असतो , यावेळीही त्याने असेच केले आहे. जिमी नीशमने इंस्टाग्रामवर सराव सत्राचा एक फोटो, व्हिडिओ (video) पोस्ट केला आहे. जिमी नीशम येथे रियान परागकडे गोलंदाजी करत असताना रियानचा एक शॉट थेट त्याच्या चेहऱ्याजवळून गेला. या शॉटवर जिमी थोडक्यात बचावला.

जिमी नीशमने इंस्टाग्रामवर लिहिले की, मी आतापासून माझ्या निवृत्तीची घोषणा करतो. या ओळीत एक ट्विस्ट होता. जिमी नीशमने रियान परागची नेटमध्ये गोलंदाजीतून निवृत्ती जाहीर केली आहे.

जिमी नीशम याआधीही ट्विटरवर अनेक मजेदार मीम्स, पोस्ट्स शेअर करून चर्चेत आले आहेत. यावेळी मेगा ऑक्शनमध्ये जिमी नीशमला राजस्थान रॉयल्सने खरेदी केले. आतापर्यंत त्याला एकही सामना खेळण्याची संधी मिळालेली नाही. अशी अपेक्षा आहे की 10 एप्रिल रोजी राजस्थान रॉयल्स त्यांच्या प्लेइंग-11 मध्ये बदल करू शकेल. लखनऊ सुपर जायंट्सविरुद्धच्या सामन्यात जिमी नीशमला खेळण्याची संधी मिळू शकते.

राजस्थान रॉयल्सने (Rajasthan Royals) आतापर्यंत तीन सामने खेळले आहेत, दोन जिंकले आहेत आणि एक पराभव पत्करावा लागला आहे. राजस्थानने पहिल्या दोन सामन्यात सनरायझर्स हैदराबाद आणि मुंबई इंडियन्सचा पराभव केला होता. तर तिसऱ्या सामन्यात रॉयल चॅलेंजर्स बंगळुरूने राजस्थानचा पराभव केला.