IPL 2021: इंडियन प्रीमियर लीगच्या (IPL) चौदाव्या हंगामातील दुसऱ्या टप्प्याला रविवार 19 सप्टेंबर पासून सुरुवात झाली असून, काल चेन्नईने (Chennai) मुंबईचा (Mumbai) 20 धावांनी पराभव करत IPL च्या दुसऱ्या टप्प्याची जोरदार सुरुवात करत गुणतालिकत प्रथम स्थान पटकाविले आहे. या सामन्यात चेन्नईचा अनुभवी फलंदाज अंबती रायुडू (Ambati Rayudu) याच्या हतावर चेंडू लागल्याने तो जायबंदी झाला आहे. परंतु आता या संदर्भात चेन्नईसाठी गुड न्यूज आली असून, रायुडूचा एक्सरे (X-ray) काढला असता त्यात त्याला फ्रॅक्चर (Fracture) नसल्याचे समोर आले आहे. त्यामुळे तो पुढील RCB विरुध्दच्या सामन्यात उपलब्ध असेल.

कालच्या सामन्यात मुंबईच्या मिल्ने दुसऱ्या षटकात टाकलेल्या शेवटच्या चेंडूवर पुल शॉट मारण्याच्या त्याच्या हताला चेंडूलागून त्याला दुखापत झाली आहे. फिजिओने मैदानात येऊन त्याला होत असलेल्या वेदना पाहून रायुडूला मैदान सोडण्याचा सल्ला दिला. त्यानंतर तो संपूर्ण सामन्यात मैदानात उतरलाच नाही. रायुडूच्या दुखापतीबाबत चेन्नईचा कर्णधार महेंद्रसिंग धोनीला विचारले असता, तो म्हणाला, रायुडू आता तरी हसत आहे, म्हणजेच त्याचे हाड मोडलेले नाही. पण पुढील परिस्थितीवर सर्व काही अवलंबून आहे. पुढील सामन्यासाठी चार दिवसांचा अवधी आहे. त्यामुळे तो त्यावेळी खेळेल अशी मला अशा आहे.

त्यानंतर रायुडूचा एक्सरे करण्यात आला होता. त्याचा रिपोर्ट आज मिळाला असून, त्याच्या हताला फॅक्चर नाही. त्यामुळे तो आरसीबी सोबत असणाऱ्या पुढील सामन्यात खेळू शकेल. या गुड न्यूजमुळे चेन्नईने सुटकेचा निश्वास टाकला आहे. रायूडू चेन्नईच्या मधल्या फळीतील सर्वात महत्त्वपूर्ण फलंदाज आहे. यापूर्वी मुंबईचे प्रतिनिधित्व करणारा रायूडू 2018 पासून चेन्नईचा सदस्य आहे.