IPL 2021च्या दुसऱ्या टप्प्याची सुरवात होणार आहे, पहिला सामना धोनीच्या टीम Chennai Super Kingsचा आहे. 19 सप्टेबर सप्टेंबरला CSK चा सामना Mumbai Indians विरुद्ध असणार आहे, पण सामन्यापूर्वी धोनीसाठी (MS Dhoni) मोठी समस्या निर्माण होताना दिसत आहे.

धोनीच्या अडचण ही वेस्ट इंडिजमध्ये सुरू असलेल्या CPL 2021 शी संबंधित आहेत, कारण तेथे Faf Du Plessis, त्याचा संघ सेंट लुसियासाठी सेमीफायनल सारख्या महत्वाच्या सामन्यात खेळत होता, सदर स्पर्धेदरम्यान मांडीच्या दुखापतीमुळे त्याला बाहेर बसावे लागले. आयपीएल 2021 च्या दुसऱ्या टप्प्यातील पहिल्या सामन्यातही आता त्याच्या मैदानात उतारण्यावर प्रश्नचिन्ह निर्माण झाले आहे. फाफ डु प्लेसिसला सीपीएल 2021 च्या क्वार्टर फायनल सामन्यापूर्वी दुखापत झाली होती, ज्यामुळे त्याला त्या सामन्यातून वगळण्यात आले होते, ज्यामुळे त्या नंतर त्याला सलग दुसऱ्या सामन्यात सुद्धा बाहेर राहावे लागले होते. यावरून त्याच्या दुखापतीचे गांभीर्य निश्चित केले जाऊ शकते.

फाफ डु प्लेसिस खेळला नाही तर ...

फाफ डु प्लेसिसची दुखापत चेन्नई सुपर किंग्जसाठी वाईट बातमी आहे, त्याच्या आकडेवारीवरून याचा अंदाज लावला जाऊ शकतो, आयपीएल 2021 च्या पहिल्या टप्प्यानंतर तो CSK साठी सर्वाधिक धावा करणारा खेळाडू होता, 2021 तो सर्वाधिक धाव करणाऱ्या ३ फलंदाजांपैकी एक होता. तो धवन आणि राहुल नंतर तिसऱ्या क्रमांकावर सर्वाधिक धावा करणारा फालंदाज होता. त्याने पहिल्या टप्प्यात 7 सामने खेळले ज्यामध्ये त्याने 320 धावा केल्या, त्याने 95 धावांची नाबाद खेळी देखील केली. वेस्ट इंडिजमध्ये सुरू असलेल्या सीपीएलमध्ये, प्लेसीस दुखापत होण्याआधी उत्कृष्ट फॉर्ममध्ये होता, त्याने तेथे शतकही केले आहे. याशिवाय 2 शानदार अर्धशतकी खेळी देखील केल्या.

धोनीसमोर पर्याय कोण?

अशा परिस्थितीत, जर फाफ डू प्लेसिस मुंबई इंडियन्सविरुद्धच्या पहिल्या सामन्यात CSK चा भाग नसेल, तर धोनीचा समस्या वाढू शकते, धोनीला सलामीला फ्लेसिसचा पर्याय शोधणे हा एक मोठा प्रश्न असेल, ऋतुराज गायकवाड सोबत कोण जाणार सलामीला ? या महत्वाच्या प्रश्नाचे उत्तर त्याच्या दोन खेळाडूंमध्ये आहे, एक रॉबिन उथप्पा आणि दुसरा अंबाती रायुडू, अश्या परिस्थितीत धोनी ऋतुराज सोबत सलामीला कोणाला पाठवतो, हे पाहणे बाकी आहे.