वांशिक टिप्पणीचे प्रकरण सध्या क्रिकेट विश्वात गाजत आहे. इंग्लंडची काउंटी टीम यॉर्कशायरवर वांशिक भेदभावाच्या गंभीर आरोपांना सामोरे जावे लागले असून आता एक भारतीय क्रिकेटपटूही वांशिक टिप्पणीमुळे चांगलाच नाराज झाला आहे. आयपीएलमध्ये (IPL) राजस्थान रॉयल्सकडून (Rajasthan Royals) खेळणाऱ्या अष्टपैलू खेळाडू रियान परागबद्दल (Riyan Parag) बोलले जात आहे, जो एका डान्स रिअॅलिटी शोमुळे चांगलाच संतापला आहे.

डान्स दिवाने-3 या रिअॅलिटी शोमध्ये गुंजन सिंग (Gunjan Singh) या आसामच्या तरुणीवर वांशिक टिप्पणी करण्यात आली होती. शोचा अँकर राघव जुयालने आसामच्या गुंजन सिंगला स्टेजवर म्हटले की, जणू ती चीनची आहे. राघव जुयालने (Raghav Juyal) प्रथम चिनी भाषेत काहीतरी सांगितले आणि या मुलीला फोन करण्यापूर्वी चौमीन आणि मोमोजची नावे देखील घेतली. राघव जुयालच्या या व्हिडिओने सोशल मीडियावर खळबळ माजवली असून क्रिकेटर रियान परागने यावर नाराजी व्यक्त केली आहे.

आसाम भारतात आहे - रियान पराग

रियान परागने ट्विट करत म्हटले की, ' भारतात आसाम इतर राज्यांप्रमाणे आहे. या माणसाबद्दल तिरस्कार नाही पण अशी तुलना थांबली पाहिजे. जय हिंद. जय आसाम.

या संपूर्ण वादानंतर शोचा अँकर असलेल्या राघव जुयालने सोशल मीडियावर एक व्हिडिओ पोस्ट करुन माफी मागितली आहे. मात्र, राघव जुयालने आपण अजिबात वर्णद्वेषी नसल्याचे स्पष्ट केले. त्याचा हा छोटा व्हिडिओ चुकीच्या पध्दतीने मांडला जात आहे. जुयालच्या म्हणण्यानुसार, त्याने चायनीज हा शब्द वापरला कारण ती मुलगी स्वतः म्हणते की, मला चिनी भाषा येते.