India vs Pakistan T20 World Cup : अखेर टी-२० वर्ल्डकपमधील बहुप्रतिक्षित सामन्याचा क्षण जवळ आला आहे. पारंपरिक प्रतिस्पर्धी असलेल्या भारत विरूद्ध पाकिस्तान यांच्यात ऑस्ट्रेलियाच्या मेलबर्न क्रिकेट स्टेडियमवर रविवारी हा सामना होत आहे. भारतीय कर्णधार रोहित शर्मा याने नाणेफेक जिंकली असून प्रथम गोलंदाजी करण्याचा निर्णय घेतला आहे.

गेल्या टी-20 विश्वचषकात पाकिस्तानने भारताचा पराभव केला होता. त्या पराभवाचा बदला घेण्यासाठी भारतीय संघ मैदानात उतरणार आहे. भारतीय वेळेनुसार दीड वाजल्यापासून हा सामना सुरू होईल. पावसाने व्यत्यय न आणल्यास या पारंपरिक प्रतिस्पर्ध्यांमधील हा सामना क्रिकेटप्रेमींसाठी थरारक अनुभव असणार आहे. मेलबर्नमध्ये सध्या तरी वातावरण स्वच्छ आहे.