Team India Dainik Gomantak
क्रीडा

IND vs NZ, 3rd ODI: टीम इंडियाचं मालिका विजयाचं स्वप्न भंगलं! पावसाची जोरदार 'बॅटिंग'

न्यूझीलंड विरुद्ध भारत यांच्यात बुधवारी होणारा तिसरा वनडे सामनाही पावसामुळे रद्द करण्यात आला आहे.

Pranali Kodre

न्यूझीलंड विरुद्ध भारत यांच्यातील वनडे मालिकेतील बुधवारी होणारा तिसरा सामना पावसामुळे रद्द करण्यात आला आहे. या मालिकेतील दुसरा सामनाही पावसामुळे रद्द करण्यात आला होता. त्यामुळे पहिला सामना जिंकून 1-0 अशी आघाडी घेतल्याने न्यूझीलंडने ही मालिका आपल्या नावावर केली आहे. टॉम लॅथमला मालिकावीर म्हणून घोषित करण्यात आले आहे.

तिसऱ्या वनडेत भारताने पूर्ण 50 षटकांचा खेळ केला होता. मात्र, न्यूझीलंड 18 षटकांत 1 बाद 104 धावांवर असताना पावसाने व्यत्यय आणला. अखेर काहीवेळ प्रतिक्षा केल्यानंतर हा सामना रद्द करण्याचा निर्णय घेण्यात आला.

भारताने न्यूझीलंडला 220 धावांचे आव्हान दिले होते. या आव्हानाचा पाठलाग करताना न्यूझीलंडकडून फिन ऍलेन आणि डेवॉन कॉनवेने 97 धावांची सलामी भागीदारी रचली होती. पण ही भागीदारी उमरान मलिकने तोडली. त्याने ऍलेनला 57 धावांवर बाद केले. पण नंतर कॉनवे 38 आणि कर्णधार केन विलियम्सन शून्य धावेवर नाबाद असताना पावसाला सुरुवात झाली.

तत्पूर्वी भारताने प्रथम फलंदाजी करताना 47.3 षटकांत सर्वबाद 219 धावा केल्या. भारताकडून वॉशिंग्टन सुंदरने सर्वाधिक 51 धावा केल्या, तर श्रेयस अय्यरने 49 धावा केल्या. तसेच कर्णधार शिखर धवनने 28 धावांची खेळी केली. या तिघांव्यतिरिक्त कोणत्याही फलंदाजाने 20 धावांचा टप्पा ओलांडला नाही.

न्यूझीलंडकडून ऍडम मिलने आणि डॅरिल मिशेलने प्रत्येकी 3 विकेट्स घेतल्या. तसेच टीम साऊदीने 2 विकेट्स, तर लॉकी फर्ग्युसन आणि मिशेल सँटेनरने प्रत्येकी 1 विकेट घेतली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Suryakumar Yadav Controversy: पाकची तक्रार फोल! 'सूर्या' फायनल खेळणार, उलट पाकिस्तानच आला अडचणीत; 'त्या' 2 खेळाडूंवर कारवाईची टांगती तलवार

'तू मूर्ख, देवाने तुला अक्कल कमी दिली; पक्षाच्या कार्यकर्त्यांवर बोलशील तर...',शेर्लेकरांना भाजप नेत्याने दिलेल्या धमकीचा फोन कॉल समोर Audio

Goa Tourism: यंदाचा पर्यटन हंगाम जोरात! रशियाहून आठवड्याला 9 विमाने गोव्यात येणार; कझाकिस्तानहूनही सुरु होणार चार्टर सेवा

Horoscope: मेष, कर्कसह 'या' 4 भाग्यवान राशींसाठी आजचा दिवस 'गोल्डन' ठरणार! अचानक धनलाभाचे योग आणि करिअरमध्ये प्रगती निश्चित

India vs Pakistan: टीम इंडियाला हरवण्यासाठी पाकड्यांचा 'मास्टरप्लॅन', शोएब अख्तर, म्हणाला, 'त्या' फलंदाजाला 2 ओव्हर्समध्ये आउट करा

SCROLL FOR NEXT