India vs Australia, 1st Test: भारत आणि ऑस्ट्रेलिया यांच्यातील 4 सामन्यांच्या कसोटी मालिकेतील पहिला सामना 9 ते 13 फेब्रुवारी दरम्यान नागपुरात खेळवला जाणार आहे. भारत आणि ऑस्ट्रेलिया यांच्यातील पहिला कसोटी सामना सकाळी 9.30 वाजता सुरु होईल.
दरम्यान, 2004 पासून ऑस्ट्रेलियाने भारतात एकही कसोटी मालिका जिंकलेली नाही. दोन्ही देशांमधील कसोटी मालिका तब्बल सहा वर्षानंतर भारतीय भूमीवर खेळवली जात आहे. 2017 मध्ये भारतात खेळल्या गेलेल्या शेवटच्या चार सामन्यांच्या कसोटी मालिकेत टीम इंडियाने (Team India) ऑस्ट्रेलियाचा 2-1 ने पराभव केला होता.
तसेच, रोहित शर्माच्या नेतृत्वाखालील टीम इंडियाला ऑस्ट्रेलियाविरुद्धची चार सामन्यांची कसोटी मालिका कोणत्याही किंमतीत जिंकायची आहे. अशा परिस्थितीत कर्णधार रोहित शर्मा ऑस्ट्रेलियाविरुद्ध नागपुरातील पहिल्या कसोटी सामन्यात आपली सर्वोत्तम प्लेइंग इलेव्हन मैदानात उतरेल.
ऑस्ट्रेलियाविरुद्धच्या (Australia) पहिल्या कसोटी सामन्यात केएल राहुलसह विस्फोटक सलामीवीर आणि कर्णधार रोहित शर्मा टीम इंडियासाठी सलामी देणार आहे. रोहित शर्मा भारतीय भूमीवर अत्यंत धोकादायक आहे.
अशा स्थितीत ऑस्ट्रेलियाविरुद्ध पहिल्या कसोटी सामन्यात द्विशतक झळकावण्याची ताकदही त्याच्यात आहे. पहिल्या कसोटी सामन्यात रोहित शर्मा आणि केएल राहुल ही सलामीची जोडी ऑस्ट्रेलियासाठी घातक ठरणार आहे.
ऑस्ट्रेलियाविरुद्धच्या पहिल्या कसोटी सामन्यात नागपूरची खेळपट्टी फिरकीपटूंना मोठ्या प्रमाणात मदत करेल, त्यामुळे कर्णधार रोहित शर्मा अक्षर पटेल आणि रविचंद्रन अश्विन या दोघांचाही प्लेइंग इलेव्हनमध्ये समावेश करु शकतो. अक्षर पटेल आणि रविचंद्रन अश्विन बॉलसोबतच बॅटने टीम इंडियाला मजबूत करतील.
त्याचबरोबर, अक्षर पटेल आणि रविचंद्रन अश्विन यांच्यासोबत रवींद्र जडेजाही फिरकी गोलंदाजी करेल, तेव्हा हे तिन्ही घातक फिरकीपटू ऑस्ट्रेलियन संघाचा नाश करतील. कर्णधार रोहित शर्मा चायनामॅन स्पिनर कुलदीप यादवला प्लेइंग इलेव्हनमधून अशा प्रकारे वगळेल.
ऑस्ट्रेलियाविरुद्धच्या पहिल्या कसोटी सामन्यात वेगवान गोलंदाज म्हणून कर्णधार रोहित शर्मा मोहम्मद शमी आणि मोहम्मद सिराज यांना टीम इंडियाच्या प्लेइंग इलेव्हनमध्ये स्थान देईल. अशा स्थितीत उमेश यादव आणि जयदेव उनाडकट यांना प्लेइंग इलेव्हनमधून बाहेर बसावे लागणार आहे.
रोहित शर्मा (कर्णधार), केएल राहुल (उपकर्णधार), चेतेश्वर पुजारा, विराट कोहली, शुभमन गिल, रवींद्र जडेजा, केएस भरत (यष्टीरक्षक), अक्षर पटेल, रविचंद्रन अश्विन, मोहम्मद शमी, मोहम्मद सिराज.
पहिली कसोटी, 9-13 फेब्रुवारी, सकाळी 9.30, नागपूर
दुसरी कसोटी, 17-21 फेब्रुवारी, सकाळी 9.30, दिल्ली
तिसरी कसोटी, 1-5 मार्च, सकाळी 9.30, धर्मशाला
चौथी कसोटी, 9-13 मार्च, सकाळी 9.30, अहमदाबाद
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.