Pakistan Blind Cricket Team: सध्या सुरु असलेल्या ब्लाइंड T20 विश्वचषकासाठी पाकिस्तानच्या ब्लाइंड क्रिकेट संघाला भारत भेटीसाठी व्हिसा मिळालेला नाही. पाकिस्तान ब्लाइंड क्रिकेट कौन्सिल (PBCC) ने मंगळवारी एक निवेदन जारी करुन संघाला भारतीय परराष्ट्र मंत्रालयाकडून परवानगी मिळाली नसल्याचा दावा केला आहे.

पाकिस्तान ब्लाइंड क्रिकेट परिषदेने हे वक्तव्य केले

पाकिस्तान ब्लाइंड क्रिकेट कौन्सिलने एका निवेदनात म्हटले की, "या दुर्दैवी घटनेमुळे पाकिस्तानच्या ब्लाइंड क्रिकेट संघाचा तोल ढासळला आहे." सध्याच्या विश्वचषकाचा अंतिम सामना भारत आणि पाकिस्तान (Pakistan) यांच्यात होण्याची शक्यता होती आणि सध्याचा फॉर्म पाहता पाकिस्तान जेतेपद पटकावण्याची दाट शक्यता होती.

ही मोठी गोष्ट सांगितली

पाकिस्तान ब्लाइंड क्रिकेट कौन्सिल पुढे सांगितले की, "या भेदभावपूर्ण कारवाईचे जागतिक ब्लाइंड क्रिकेटवर गंभीर परिणाम होतील, कारण भविष्यात भारताला (India) आंतरराष्ट्रीय स्पर्धांचे यजमानपद मिळू नये यासाठी आम्ही जागतिक ब्लाइंड क्रिकेटकडून त्यांच्यावर कठोर कारवाईची मागणी करु."

अंतिम सामना 17 डिसेंबरला होणार

ही स्पर्धा भारतात 5 डिसेंबर रोजी सुरु झाली असून अंतिम सामना 17 डिसेंबर रोजी होणार आहे. पीबीसीसीने सांगितले की, "भारतीय ब्लाइंड क्रिकेट संघटनेने पाकिस्तानी खेळाडूंना व्हिसा देण्याची विनंती सरकारकडे केली होती, परंतु कोणीही त्यांचे ऐकले नाही."

12 संघ सहभागी होणार आहेत

आता या 12 दिवसांच्या स्पर्धेत भारत, बांगलादेश, ऑस्ट्रेलिया, श्रीलंका, नेपाळ आणि दक्षिण आफ्रिका या देशांचे संघ सहभागी होणार आहेत. फरिदाबाद, दिल्ली, मुंबई, इंदूर आणि बेंगळुरु येथे सामने खेळवले जातील.