दक्षिण आफ्रिकेचा यष्टिरक्षक फलंदाज क्विंटन डी कॉकने कसोटी क्रिकेटमधून निवृत्ती जाहीर केली आहे. भारत आणि दक्षिण आफ्रिका यांच्यात खेळल्या जाणाऱ्या तीन सामन्यांच्या मालिकेत यापुढे सहभागी होणार नाही. त्याने तत्काळ कसोटी क्रिकेट सोडण्याची घोषणा केली आहे. भारताविरुद्धच्या सेंच्युरियन (Centurion) कसोटीत गुरुवारी दक्षिण आफ्रिकेला (South Africa) पहिल्या कसोटीत 113 धावांनी पराभव स्वीकारावा लागला.

दरम्यान, दक्षिण आफ्रिका क्रिकेट बोर्डाने या स्टार क्रिकेटरच्या निवृत्तीची माहिती सर्व चाहत्यांसोबत शेअर केली. 29 वर्षीय डेकॉकने (quinton de kock) दक्षिण आफ्रिकेसाठी 54 कसोटी सामन्यांमध्ये एकूण 3300 धावा केल्या आहेत. 6 शतके आणि 22 अर्धशतके झळकावणाऱ्या या फलंदाजाने फेब्रुवारी 2014 मध्ये ऑस्ट्रेलियाविरुद्ध कसोटी पदार्पण केले होते. या फॉरमॅटमध्ये नाबाद 141 ही डेकॉकची सर्वोत्तम खेळी होती. डेकॉकचे यष्टिमागेही अतुलनीय योगदान दिले होते. त्याने 54 सामन्यांमध्ये 232 विकेट घेतल्या, त्यापैकी 221 झेल आणि 11 यष्टिरक्षण होते.

निवृत्ती घेताना डी कॉक म्हणाला, ''मी सहजासहजी घेतलेला निर्णय नाही. हा निर्णय घेण्यापूर्वी, माझे आगामी काळात भविष्य कसे असेल याचा खूप विचार केला. सध्या माझे प्राधान्य साशा आणि मी आमचे पहिले मूल यांना असणार आहे. आमच्या कुटुंबात एका चिमुकल्याचे आगमन होणार असल्याने आम्ही आनंदी आहोत. माझे कुटुंब माझ्यासाठी सर्वस्व असणार आहे. त्यांना जास्तीत जास्त वेळ मिळावा हीच माझी इच्छा आहे.''