India vs England: BCCI ने इंग्लंडमध्ये पृथ्वी शॉ (Prithvi Shaw) आणि सुर्यकुमार यादव (Suryakumar Yadav) यांना पाठविण्याचा निर्णय घेतला आहे. परंतु यामध्ये देवदत्त पड्डिकल याला मात्र इंग्लंडचे तिकिट मिळालेले नाही. इंग्लंडमध्ये असणाऱ्या भारतीय संघातील वाशिंगटन सुंदर, अवेश खान आणि शुभमन गिल हे खेळाडू जायबंदी झाल्याने त्यांच्याजागी पृथ्वी शॉ आणि सुर्यकुमार यादव यांना पाठविण्यात येणार आहे. 2021 हे साल सुर्यकुमारसाठी नवीन सुर्योदयासारखेच आहे. 2021 मध्ये त्याने आधी टी-20 नंतर एकदिवसीय आणि आता थेट कसोटी क्रिकेटमध्ये भारतीय संघात स्थान मिळविले आहे. त्यामुळे आता सुर्यकुमारच्या रुपाने इंग्लंडमध्ये भारतीय संघात नवीन सुर्योदय व्हावा आणि इंग्लंड विरुध्दची मालिका भारताने जिंकावी, अशी सर्वच चाहत्यांची अपेक्षा आहे.

वॉशिंगटन सुंदरला बॉलिंग फिंगरला दुखापत झाली आहे. त्याच्या रिकव्हरिला वेळ लागणार आहे. तर अवेश खानला देखील बोटला दुखापत झाली असून, त्याचे ते बोट फ्रॅक्चर झाले आहे. त्यामुळे तो देखील इंग्लंडविरुध्दच्या मालिके बाहेर झाला आहे. त्यामुळे या दोघांच्या जागेवर पृथ्वी शॉ आणि सुर्यकुमारला पाठविले जाईल. सलामीचा फलंदाज शुभमन गिल हा देखील जायबंदी झाला असला तरी त्याच्या जागी कोणालाही पाठविण्यात आलेले नाही.

मुंबईचा राईट हँडर फलंदाज सुर्यकुमार यादव याने सातत्याने प्रभावी कामगिरी करीत निवडसमितीचे लक्ष्य वेधले आहे. त्यामुळे त्याला 2021 मध्ये आधी टी-20, नंतर एकदिवसीय संघाची दारे खुली झाली. पण श्रीलंकेत केलेल्या कामगिरीमुळे त्याला कसोटी क्रिकेटची दरवाजे उघडली आहेत. त्यामुळे 2021 हे वर्षे सुर्यकुमारच्या रुपाने भारतीय संघात नवीन सुर्योदय घेऊन येणार हे नक्की.