आयसीसीने (ICC) कसोटी क्रिकेटची नवी क्रमवारी नुकतीच जाहीर केली आहे (Test Ranking). या क्रमवारीमध्ये भारतीय खेळाडूंना त्यांच्या वर्तमानातल्या कामगिरीनुसार फायदा तसेच नुकसान झाल्याचे पाहायला मिळत आहे. ज्यात भारतीय कर्णधार आणि फलंदाज विराट कोहली पाचव्या स्थानावर कायम आहे (Captain Virat Kohali 5th Rank). मात्र लॉर्ड्सवर इंग्लंडविरुद्ध शतक झळकावणाऱ्या केएल राहुलने 19 स्थानांची मोठी झेप घेत 37 वे स्थान प्राप्त केले आहे(Batsman KL Rahul 37th Rank).

तर गोलंदाजांच्या ताज्या क्रमवारीत इंग्लंडविरुद्ध लॉर्ड्स कसोटीत आठ गडी बाद करणारा भारतीय वेगवान गोलंदाज मोहम्मद सिराज 465 रेटिंग गुणांसह 18 स्थानांची सुधारणा करत 38 व्या स्थानावर पोहोचला आहे. जसप्रीत बुमराहची मात्र एका स्थानाने घसरण होऊन तो 10 व्या स्थानावर आला आहे. मात्र भारतीय फिरकीपटू रविचंद्रन (R Ashwin) अश्विन इंग्लंड विरुद्ध सामना खेळला नसला तरी दुसऱ्या स्थानावर कायम आहे. (ICC Test Ranking)