ICC Mens T20 World Cup 2022: ऑस्ट्रेलियात होणाऱ्या ICC T20 विश्वचषक 2022 च्या पहिल्या फेरीसाठी आयर्लंड, स्कॉटलंड आणि वेस्ट इंडिजसह झिम्बाब्वे पात्र ठरले आहेत. झिम्बाब्वेने नेदरलँड्सला हरवून ब गटात स्थान मिळवले. ऑस्ट्रेलिया पहिल्यांदाच ICC मेन्स T20 विश्वचषक स्पर्धेचे यजमानपद भूषवणार आहे.

दरम्यान,ही स्पर्धा 16 ऑक्टोबर ते 13 नोव्हेंबर 2022 या कालावधीत सात शहरांमध्ये आयोजित केली जाईल. जिलॉन्ग आणि होबार्ट पहिल्या फेरीचे आयोजन करतील. या मेगा इव्हेंटसाठी ग्रुप आणि शेड्यूल फायनल करण्यात आले आहे.

तसेच, अ गटात नामिबिया, श्रीलंका (Sri Lanka), यूएई आणि नेदरलँडला स्थान मिळाले आहे, तर ब गटात आयर्लंड, स्कॉटलंड, वेस्ट इंडिज (West Indies) आणि झिम्बाब्वे यांना संधी मिळाली आहे. गट 1 बद्दल बोलायचे झाल्यास, त्यात अफगाणिस्तान (Afghanistan), ऑस्ट्रेलिया, इंग्लंड, न्यूझीलंड व्यतिरिक्त गट अ चा विजेता आणि गट ब चा उपविजेता संघ असेल.

त्याचवेळी, गट 2 मध्ये भारत, पाकिस्तान, दक्षिण आफ्रिका आणि बांगलादेश या गटात अ गटातील उपविजेता संघ आणि ब गटातील विजेता संघाचा समावेश असेल. अशा प्रकारे, पहिल्या फेरीत 8 संघ असतील, तर दुसऱ्या फेरीत 12 संघ असतील, जे सुपर 12 विरुद्ध खेळतील.

अ गट: नामिबिया, श्रीलंका, यूएई आणि नेदरलँड

ब गट: आयर्लंड, स्कॉटलंड, वेस्ट इंडिज आणि झिम्बाब्वे

गट 1: अफगाणिस्तान, ऑस्ट्रेलिया, इंग्लंड, न्यूझीलंड, गट अ विजेता आणि गट ब उपविजेता

गट 2: भारत, पाकिस्तान, दक्षिण आफ्रिका, बांगलादेश, गट अ उपविजेता आणि गट ब विजेता