पणजी : गुजरातमधील 36व्या राष्ट्रीय क्रीडा स्पर्धेत गोव्याला मंगळवारी आणखी एक ब्राँझपदक मिळाले. स्पर्धेत प्रथमच समावेश करण्यात आलेल्या मल्लखांबमध्ये गोव्याच्या युतिका सतरकर हिने मुलींच्या रोप मल्लखांब प्रकारात तिसरा क्रमांक मिळविला.

(Bronze medal in Mallakhamb)

गोव्याने 36व्या राष्ट्रीय क्रीडा स्पर्धेत आता एकूण चार ब्राँझपदके जिंकली आहेत, यामध्ये जिम्नॅस्टिक्स, जलतरण, बीच व्हॉलिबॉल व मल्लखांबचा समावेश आहे.

वैयक्तिक रोप मल्लखांब प्रकारात ब्राँझपदक जिंकताना युतिका हिने 9.05 गुणांची नोंद केली. महाराष्ट्राच्या रुपाली गंगावणे हिने 9.25 गुणांसह सुवर्ण, तर मध्य प्रदेशच्या सिद्धी गुप्ता हिने 9.2 गुणांसह रौप्यपदक मिळविले.