पणजी ः विश्वकरंडक फिनस्विमिंग स्पर्धेसाठी गोव्यातील सौरभी नाईक, मिथिका कारापूरकर, श्रीजा गाड व हंसिका वेळुसकर या चौघींची निवड झाली आहे. स्पर्धा 25 ते 27  फेब्रुवारी या कालावधीत हंगेरी येथील इगर येथे होईल.

जागतिक पातळीवरील फिनस्विमिंग स्पर्धेसाठी गोव्यातील जलतरणपटूंची निवड होण्याची ही पहिलीच वेळ आहे. अंडरवॉटर स्पोर्टस असोसिएशन इंडिया यांच्यातर्फे भारतीय संघाची निवड करण्यात आली. यापूर्वी गोव्यातील (goa) या जलतरणपटूंनी राष्ट्रीय पातळीवरील फिनस्विमिंग स्पर्धेत भाग घेतला आहे.

सौरभी, मिथिका व सौरभी यांना पेडे-म्हापसा (Mapusa) येथील जलतरण तलाव प्रशिक्षक जेरी डिमेलो यांचे मार्गदर्शन लाभते. हंसिका ही पणजी (Panaji) जलतरण तलाव प्रशिक्षक दीपक छेत्री यांची प्रशिक्षणार्थी आहे.