Goa Table-Tennis Player Chetan Salgaonkar settle for Bronze Medal in Khelo India Para Games 2023:

गोव्याचा टेबल टेनिसपटू चेतन साळगावकर याने पहिल्या खेलो इंडिया पॅरा गेम्समध्ये पुरुषांच्या गट नऊमध्ये ब्राँझपदक पटकावले. राज्याला या स्पर्धेत मिळालेले हे चौथे पदक ठरले.

दिल्लीतील इंदिरा गांधी स्टेडियमवर स्पर्धा झाली. गोव्याने स्पर्धेत एक सुवर्ण, एक रौप्य व दोन ब्राँझपदकांची कमाई केली. पुरुषांच्या टेबल टेनिसमधील गट दोनमध्ये लॉईड फर्नांडिस याने सुवर्णपदक जिंकले.

ऍथलेटिक्समध्ये टी 11-12 प्रकारात साक्षी काळे हिला दोन पदके मिळाली. ती लांबउडीत रौप्यपदकाची, तर 100 मीटर शर्यतीत ब्राँझपदकाची मानकरी ठरली. चेतन साळगावकरला टेबल टेनिसमधील ब्राँझ मिळाले.

राष्ट्रीय पातळीवरील या महत्त्वाच्या पॅरा स्पर्धेत गोव्याचे सहा खेळाडू सहभागी झाले होते. गोवा क्रीडा प्राधिकरणाचे साहाय्यक संचालक (कार्यक्रम) विवेक पवार यांनी स्पर्धेत गोव्याचे चेफ द मिशन म्हणून जबाबदारी पेलली.