Goa State Level Under 11 Chess Competition : जोशुआ तेलिस याने गोवा राज्यस्तरीय 11 वर्षांखालील बुद्धिबळ स्पर्धेत खुल्या गटात विजेतेपद पटकावले, तर मुलींत स्कायला रॉड्रिग्ज विजेती ठरली. तिसवाडी तालुका बुद्धिबळ संघटनेने गोवा बुद्धिबळ संघटनेच्या सहकार्याने घेतलेली स्पर्धा मळा-पणजी येथील महालक्ष्मी वाचन मंदिर सभागृहात झाली.

जोशुआने सात फेऱ्यांतून सहा गुण, तर स्कायला हिने सहाही डाव जिंकून विजेतेपदावर शिक्कामोर्तब केले. खुल्या गटात राजवीर पाटील याने उपविजेतेपद, तर सरस पोवार याने तिसरा क्रमांक पटकावला.

अर्विन आल्बुकर्क, आर्यव्रत नाईक देसाई, विहान तारी, अभीर प्रभू, रिशित गावस, आदित्य घाडगे व शुभ बोरकर यांनी अनुक्रमे चौथा ते दहावा क्रमांक प्राप्त केला. मुलींत रोचेल रॉड्रिग्ज उपविजेती ठरली, तर दिया सावळ हिला तिसरा क्रमांक मिळाला.

विधी नाईक, लिया सिल्व्हेरा, दिया नाईक, अवनी सावईकर, श्रेयशी फळदेसाई, जेन्सिना सिक्वेरा व म्युरिएल फर्नांडिस यांनी अनुक्रमे चौथा ते दहावा क्रमांक मिळविला.

वयोगटात (७ व ९ वर्षांखालील) गटात खुल्या विभागात शौर्य अग्रासनी, एकांग मालवणकर, प्रयांक गावकर, इव्हान तेलिस, एथन सिल्वेरा यांना, तर मुलींत सान्वी रेडकर, शिनेल रॉड्रिग्ज, शनाया देसाई, दृशा घोंगे, ईश्वरी राऊत यांना बक्षीस देण्यात आले.

गोवा बुद्धिबळ संघटनेचे अध्यक्ष महेश कांदोळकर, सत्यवान हरमलकर, दत्ताराम पिंगे, अरविंद म्हामल, आतिश नाईक, नरेश पेडणेकर, संदेश आमोणकर यांच्या उपस्थितीत बक्षीस वितरण झाले.

राष्ट्रीय स्पर्धेसाठी पात्र

राज्यस्तरीय स्पर्धेत खुल्या आणि मुलींत पहिले दोन क्रमांक पटकावलेले खेळाडू राष्ट्रीय स्पर्धेत गोव्याचे प्रतिनिधित्व करण्यात पात्र ठरले आहेत. 11 वर्षांखालील राष्ट्रीय स्पर्धा आंध्र प्रदेशमध्ये १ ते ७ ऑक्टोबर या कालावधीत होईल.