पणजी: गोमंतकीय युवा बॅडमिंटनपटू (Badminton) तनिशा क्रास्टो (Tanisha Krasto) हिने छत्तीसगडच्या ईशान भटनागर याच्या साथीत स्कॉटलंडमधील बॅडमिंटन स्पर्धेत रौप्यपदकाची कमाई केली. ग्लास्गो येथे झालेल्या स्कॉटिश ओपन इंटरनॅशनल चॅलेंज बॅडमिंटन स्पर्धेत भारतीय जोडीस मिश्र दुहेरीत उपविजेतेपद मिळाले.

चुरशीच्या अंतिम लढतीत तनिशा-ईशान जोडीस इंग्लंडच्या (England) कॅलम हेमिंग व जेसिका प्यू जोडीकडू 21-15 , 21-17 फरकाने हार पत्करावी लागली. त्यापूर्वी उपांत्य लढतीत भारतीय जोडीने डेन्मार्कच्या जेस्पर टॉफ्ट व डेनक्लारा ग्रेव्हर्सन जोडीस 21-19 , 21-14 फरकाने, तर उपांत्यपूर्व फेरीत स्कॉटलंडच्या अलेक्झांडर ड्यून व स्कोसियारा टोरॅन्स जोडीस 21-14 , 21-11 असे नमविले होते.