Fatorda, Goa: क्रिकेटपटूंनी खास करुन युवा खेळाडूंनी सर्व व्यसनापासुन दूर रहावे. जास्त करुन मोबाईलचा वापर करु नये. त्यामुळे खेळाडूंच्या मानसीकतेवर परिणाम होतो असे भारताच्या क्रिकेट संघाचा माजी कर्णधार महमद अझरुद्दीन यानी मडगाव क्रिकेट क्लबच्या क्रिकेट अकादमीला आज सकाळी भेट दिली तेव्हा त्यांच्याकडे वार्तालाप करताना सांगितले.

ते पुढे म्हणाले की गोव्यात चांगले प्रतिभाशाली क्रिकेटपटू आहेत असे एैकले आहे. पण त्यांना योग्य संधी मिळत नाही. खेळाडुंनी जिद्द व यशाचे उंच शिखर गाठण्याचे स्वप्न उराशी बाऴगावे. केवळ राज्य संघामध्ये खेळुन भागणार नाही. त्यानी देशाचे प्रतिनिधितव करण्याचे उद्दीष्ट समोर ठेवावे असेही त्यानी खेळाडूंना सांगितले. 

गोव्यामध्ये चांगल्या साधन सुविधा उपलब्ध आहेत. तरी गोव्याचा क्रिकेट दर्जा का वाढत नाही हेच कोडे आहे. या साधन सुविधांचा युवा खेळाडूंनी लाभ घ्यावा, जंक फूड वगैरे खाण्याच्या फंदात न पडता आहारावर लक्ष केंद्रीत करावे असेही त्यानी क्रिकेटपटूंना सांगितले. सद्याच्या भारतीय संघाच्या कामगिरीवर तसेच राजकीय परिस्थितीवर भाष्य करण्याचे टाळले.

महमद अझरुद्दीन 99 कसोटी सामने खेळताना 6215 धावा केल्या. शिवाय 334 एक दिवसीय सामन्यात त्यांच्या नावावर 9378 धावांची नोंद आहे. 47 कसोटीत व 174 एक दिवसीय सामन्यात भारताच्या क्रिकेट संघाचे नेतृत्व करताना त्याने संघाला 14 तर 90 एक दिवसीय सामन्यात विजय मिळवुन दिला.

या त्याच्या भेटीच्या वेळी एमसीसीचे अध्यक्ष योगेश नायक, सचिव अपुर्व भेंब्रे, वेंकट देसाई, परेश पडियार, नगरसेवक सगुण उर्फ दादा नायक व प्रशिक्षक विनोद धामस्कर उपस्थित होते.