BCCI: सर्वोच्च न्यायालयाचे माजी न्यायाधीश विनीत सरन यांची भारतीय क्रिकेट नियामक मंडळाचे (BCCI) एथिक्स ऑफिसर आणि लोकपाल म्हणून नियुक्ती करण्यात आली आहे. ही दोन्ही पदे गेल्या वर्षभरापासून रिक्त होती. सरन यांनी न्यायमूर्ती (Retired) डीके जैन यांची जागा घेतली आहे. जैन यांचा कार्यकाळ गेल्या वर्षी जूनमध्ये संपला होता. सरन हे ओडिशा उच्च न्यायालयाचे माजी मुख्य न्यायाधीश राहिले आहेत. त्यांनी कर्नाटक आणि अलाहाबाद उच्च न्यायालयात न्यायाधीश म्हणूनही काम केले आहे.

बीसीसीआयच्या (BCCI) एका अधिकाऱ्याने पीटीआय या वृत्तसंस्थेला सांगितले की, “माननीय न्यायमूर्ती सरन यांची नियुक्ती गेल्या महिन्यात झाली होती. सरन यांच्याशी संपर्क साधला असता, 65 वर्षीय माजी न्यायाधीश सरन म्हणाले की, मी स्वतः एक क्रिकेटचा (Cricket) चाहता आहे. ते पुढे म्हणाले, "मी गेल्या महिन्यात पदभार स्वीकारला आहे, परंतु अद्याप कोणताही आदेश पारित केलेला नाही."

दुसरीकडे, बीसीसीआयच्या सर्वोच्च समितीच्या आगामी बैठकीत देशांतर्गत सामन्यांसाठी (2023 पासून) मीडिया अधिकारांवर चर्चा केली जाईल.