Equal satisfaction for Odisha, Chennai  Dainik Gomantak
क्रीडा

ओडिशा, चेन्नईयीनला बरोबरीचे समाधान

दोन वेळच्या माजी विजेत्या चेन्नईयीनची ही 17 लढतीतील पाचवी बरोबरी ठरली

दैनिक गोमन्तक

पणजी ः ओडिशा एफसी व चेन्नईयीन एफसीने एकमेकांवर कुरघोडी करताना विजयासाठी आटोकाट प्रयत्न केले, पण आठव्या इंडियन सुपर लीग (आयएसएल) फुटबॉल लढतीत त्यांना अखेर बरोबरीचेच समाधान लाभले, त्यामुळे प्ले-ऑफ फेरीच्या दृष्टीने दोन महत्त्वपूर्ण गुणांनाही मुकावे लागले.

वास्को (Vasco) येथील टिळक मैदानावर बुधवारी झालेला सामना 2-2 गोल बरोबरीत राहिला. रहीम अली याने दुसऱ्याच मिनिटास चेन्नईयीन एफसीला आघाडी मिळवून दिल्यानंतर 18व्या मिनिटास स्पॅनिश हावी हर्नांडेझ याने ओडिशाला बरोबरी साधून दिली. हावीचा यंदाच्या स्पर्धेतील सहावा गोल ठरला. नंतर 51व्या मिनिटास ब्राझीलियन आघाडीपटू जोनाथस ख्रिस्तियन याच्या मोसमातील वैयक्तिक आठव्या गोलमुळे ओडिशाला आघाडी मिळाली. चेन्नईयीनशी करारबद्ध झाल्यानंतर लिथुआनियाच्या नेरियूस व्हाल्सकिस याने पहिलाच गोल केल्यामुळे पुन्हा बरोबरी झाली. 

त्याने रहीम अलीच्या असिस्टवर 69व्या मिनिटास गोल केला. व्हाल्सकिसचा हा आयएसएलमधील एकंदरीत 26वा गोल ठरला. मात्र नंतर व्हाल्सकिसने सोपी संधी दवडल्यामुळे चेन्नईचा संघ आघाडीपासून दूर राहिला.

एफसी गोवाविरुद्ध (FC-Goa) 5-0 फरकाने हार पत्करल्यानंतर बोझिदार बँडोविच यांनी चेन्नईयीनचे प्रशिक्षकपद सोडले. त्यानंतर सय्यद साबीर पाशा यांच्या मार्गदर्शनाखालील चेन्नईयीनचा हा पहिलाच सामना होता. दोन वेळच्या माजी विजेत्या चेन्नईयीनची (Chennai) ही 17 लढतीतील पाचवी बरोबरी ठरली. त्यांचे आता 20 गुण आणि आठवा क्रमांक कायम राहिला. ओडिशाच्या गुणतक्त्यातील क्रमांकातही फरक पडला नाही. 22 गुणांसह ते सातव्या क्रमांकावर राहिले. त्यांची 17 लढतीतील चौथी बरोबरी होती.

चेन्नईयीनने पहिल्या टप्प्यात ओडिशाला 2-1 फरकाने हरविले होते, पण त्यांना बुधवारी मागील कामगिरीची पुनरावृत्ती करता आली नाही. सामन्यात त्यांनी सेटपिसेसवर आघाडी घेतली. नेरियूस व्हाल्सकिस याचा फ्रीकिक फटका प्रतिस्पर्धी खेळाडूंच्या भिंतीला आपटल्यानंतर रहीम अलीने रिबाऊंडवर अचूक नेम साधला. नंतर जोनाथस ख्रिस्तियन याच्यासोबत साधलेल्या सुरेख समन्वयानंतर हावी हर्नांडेझने चेन्नईयीनचा गोलरक्षक देबजित मजुमदार याची झेप फोल ठरविली. विश्रांतीनंतर सुरवातीला संधी गमावलेल्या जोनाथस ख्रिस्तियनने चेन्नईयीनच्या कमजोर बचावाचा लाभ उठविला. नंतर रहीम अलीने दिलेल्या पासवर व्हाल्सकिसचे हेडिंग भेदक ठरले आणि चेन्नईयीनला पिछाडी भरून काढण्याचे समाधान लाभले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

Uttar Pradesh Assembly Election 2027: उत्तर प्रदेश निवडणुकीत भाजप विरुद्ध भाजप, राममंदिर, राष्ट्रवाद आणि हिंदुत्वाचे मुद्दे झाले जुने; योगी आदित्यनाथ यांची अग्निपरिक्षा

राजकीय आरक्षणाच्या हक्कासाठी आदिवासी समाज रणांगणात उतरणार; आगामी विधानसभा निवडणुकीत 23 मतदारसंघांत सत्ताधाऱ्यांविरोधात लढण्याचा ‘उटा’चा निर्णय

SCROLL FOR NEXT