भारताविरुद्ध लॉर्ड्स कसोटी सामन्यात (Lords Test Match) झालेल्या पराभवानंतर जो रूटच्या नेतृत्वावर व इंग्लंड संघावर टीका केली जात आहे, या वेळी माजी दिग्गज क्रिकेटपटू जेफ्री बॉयकॉट यांनीही इंग्लंड संघाचा खरपूस समाचार घेतला, ते म्हणाले की इंग्लिश संघाने रणनिती आखण्याच्या बाबतीत ढिलाईपणा दाखवला व भावनांना आवर घालू शकले नाही. तसेच त्यांनी भारतीय संघाचे कौतुकही केले. पाचव्या दिवसाचा खेळ सुरू झाल्यानंतर इंग्लंड संघाने रिषभ पंत आणि इशांत शर्माच्या विकेट घेत सामन्यावरील इंग्लंडची पकड घट्ट केली, मात्र इंग्लंड संघाने भारतीय टेल इंडर्सना हलक्यामध्ये घेतले. त्यामुळे मोहम्मद शमी आणि जसप्रीत बुमराहने भारतासाठी उपयुक्त अशी 89 धावांची नाबाद भागीदारी केली. आणि इंग्लंडला 272 धावांचे कठीण लक्ष्य देण्यात यशस्वी ठरले, आणि यजमान इंग्लंड संघ 272 धावांचे आव्हान पेलू शकला नाही आणि 151 धावांनी इंग्लंड संघ पराभूत झाला. (England Lost Lords Test Match)

बॉयकॉटने टेलिग्राफमध्ये लिहिले की लॉर्ड्स कसोटी सामन्याने 2 गोष्टी सिद्ध केल्या. पहिली म्हणजे, जर तुम्ही गाफील असाल, तर तुम्ही कसोटी सामना जिंकण्यासाठी योग्य नाही, जो रुटला त्याच्या अप्रतिम फलंदाजीसाठी आम्ही प्रेम करतो, परंतु त्यांच्या रणनीतीबद्दल तितकेच निराश झालो आहोत आणि दुसरी गोष्ट म्हणजे इंग्लंड संघ नेहमीच रूटच्या फलंदाजीवर अवलंबून राहू शकत नाही, उर्वरित सामन्यात इंग्लंडकडून सुधारणा आवश्यक आहे, कारण परिस्थिती आता गाफिल राहण्याच्या पलीकडे गेली आहे. (Eng Vs Ind)