El Salvador stadium Stampede News: मध्य अमेरिकेतील एल साल्वाडोर स्टेडियममध्ये फुटबॉल सामन्यादरम्यान झालेल्या चेंगराचेंगरीत नऊ जणांचा मृत्यू झाला आहे.

न्यूज एजन्सी एएफपीने पोलिसांच्या हवाल्याने सांगितले की, एल साल्वाडोर स्टेडियममध्ये चेंगराचेंगरी झाली, ज्यामध्ये 09 जणांना आपला जीव गमवावा लागला. तर बरेच जण जखमी झाल्याचे सांगण्यात आले.

दरम्यान, स्थानिक स्पर्धा पाहण्यासाठी फुटबॉल चाहत्यांनी साल्वाडोर स्टेडियममध्ये गर्दी केली होती. नॅशनल सिव्हिल पोलिसांनी (Police) ट्विटरवर कळवले की, कुस्कॅटलान स्टेडियममध्ये फुटबॉल सामन्यादरम्यान चेंगराचेंगरीनंतर मृतांची संख्या 09 वर पोहोचली आहे.

तसेच, अनेक जण जखमी झाल्याचे पोलिसांनी सांगितले. त्यापैकी किमान दोघांची प्रकृती चिंताजनक असून त्यांना जवळच्या रुग्णालयात (Hospital) दाखल करण्यात येत आहे.

अलियान्झा आणि एफएएस संघांमधील सामना पाहण्यासाठी चाहत्यांनी स्टेडियममध्ये प्रवेश करण्याचा प्रयत्न केला तेव्हा चेंगराचेंगरी झाल्याचे अहवालात म्हटले आहे.