Smriti Mandhana: भारतीय क्रिकेटपटू स्मृती मानधना हिने लँड रोव्हर रेंज रोव्हर इव्होक कार खरेदी केली आहे. कारची डिलिव्हरी घेतानाचा फोटो स्मृतीने आपल्या सोशल मिडिया हँडलवरती शेअर केला आहे. ही रेंज रोव्हर इव्होक SUV सिलिकॉन सिल्व्हर शेडमधील आहे. इव्होक हे सर्वात लहान रेंज रोव्हर असून, त्याची किंमत रु. 72.09 लाख (एक्स-शोरूम) एवढी आहे.

अलिशान रेंज रोव्हर हायब्रिड तंत्रज्ञानासह पेट्रोल आणि डिझेल इंजिन पर्यायांत कार उपलब्ध आहे. दरम्यान, स्मृती मानधनाने कोणता इंजिन पर्याय निवडला आहे याबाबत स्पष्टता नाही. लँड रोव्हर रेंज रोव्हर इव्होक 2020 साली अपडेट करण्यात आली आहे. यात नवीन ग्रिल, स्वीप्टबॅक बोनेट आणि विशिष्ट एलईडी डीआरएल उपलब्ध आहेत. याशिवाय फ्लश डोअर हँडल आणि नवीन अलॉय व्हिल्स देण्यात आली आहेत.

कारमध्ये 3D सराउंड कॅमेरा, PM2.5 फिल्टरसह केबिन एअर आयोनायझेशन, फोन सिग्नल बूस्टरसह वायरलेस चार्जिंग आणि नवीन Pivi Pro इंफोटेनमेंट सिस्टम यासारख्या नवीन वैशिष्ट्यांचा समावेश आहे. केबिनला डीप गार्नेट आणि इबोनी शेड्समध्ये पूर्ण केलेली नवीन ड्युअल-टोन रंग देण्यात आला आहे.

रेंज रोव्हर इव्होक 2.0-लिटर पॉवर पेट्रोल इंजिन 247 bhp आणि 365 Nm पीक टॉर्क मध्ये उपलब्ध आहे. तसेच, 2.0-लिटर डिझेल मध्ये 201 bhp आणि 430 Nm पीक टॉर्क विकसित करते. दोन्ही इंजिनसाठी 9-स्पीड ऑटोमॅटिक ट्रान्समिशनसह जोडण्यात आले आहे.