भारतीय संघाचा स्टार गोलंदाज जसप्रीत बुमराह हा केवळ भारतातीलच नव्हे तर जागतिक क्रिकेटमधील सर्वात मजबूत गोलंदाजांपैकी एक आहे. आयपीएलच्या कामगिरीच्या जोरावर या वेगवान गोलंदाजाने आंतरराष्ट्रीय क्रिकेटमध्ये प्रवास केला आहे. IPL 15 सुरु झाले आहे आणि याच दरम्यान भारताचा माजी यष्टीरक्षक फलंदाज पार्थिव पटेलने विराट कोहली आणि जसप्रीत बुमराहबद्दल बोलताना मोठा खुलासा केला आहे.

पार्थिव पटेलने बोलताना सांगितले की 2014 मध्ये विराट कोहलीच्या नेतृत्वाखाली तो आरसीबीचा (RCB) खेळाडू होता. त्यादरम्यान त्याने बुमराहबद्दल विराटशी संवाद साधला, मात्र कोहलीने पार्थिवच्या बोलण्याकडे दुर्लक्ष केले. आणि म्हणाला होता की बुमराह-वुमराह काय करणार?

पार्थिव पटेल क्रिकबझशी बोलताना म्हणाला, 'मी 2014 साली आरसीबीचा भाग होतो. मी विराट कोहलीला बुमराहचे नाव सांगितले आणि त्यावर लक्ष घालण्यास सांगितले. विराटने मला उत्तर दिले, 'छोड ना यार... ये बुमराह-वुमराह क्या करेगा?'

पार्थिव पटेलच्या या खुलाशानंतर आता विराट कोहलीला (virat kohli) त्याच्या या निर्णयाचा पश्चाताप होत असल्याचे स्पष्ट झाले आहे. बुमराह आज जगातील सर्वोत्तम गोलंदाजांपैकी एक आहे आणि तो डेथ ओव्हर्समध्ये घातक गोलंदाजीसाठी ओळखला जातो. बुमराहच्या कठोर परिश्रमांबरोबरच, मुंबई इंडियन्स (Mumbai Indians) संघानेही त्याला या गोलंदाजातून सर्वोत्तम खेळी करण्यात खूप पाठिंबा दिला आहे, ज्याचे बक्षीस या फ्रेंचायझीला आयपीएल ट्रॉफीच्या रूपात मिळाले आहे.