पणजी ः आर्लेम क्लबने अंतिम लढतीत विजय क्रिकेट क्लबवर सहा विकेट्सनी विजय नोंदवून 40व्या नंदा लोलयेकर करंडक क्रिकेट स्पर्धेत विजेतेपद मिळविले. माशे क्रिकेट (Cricket) क्लबच्या या स्पर्धेतील सामना रविवारी माशे-काणकोण येथील निराकार मैदानावर झाला.
आर्लेम क्लबने नाणेफेक जिंकून विजय क्लबला प्रथम फलंदाजीस पाचारण केले. फिरकी गोलंदाज शेरबहादूर यादवच्या (5-30) भेदक माऱ्यासमोर विजय क्लबचा डाव 160धावांत गुंडाळला गेला. त्यांच्या रजत शेट याने सर्वाधिक 63धावा केल्या. आर्लेम क्लबने 28 षटकांत 4 बाद 163 धावा करून सामना जिंकला. राजशेखर हरिकांतने अर्धशतक (56) केले.
पद्मश्रीचे निवड झालेले फुटबॉलपटू (Football) ब्रह्मानंद शंखवाळकर, स्पर्धेचे पुरस्कर्ते कॉमनवेल्थ डेव्हलपर्सचे संचालक चिराग नाईक, प्रशांत नाईक, यांच्या उपस्थिती बक्षीस वितरण झाले.
संक्षिप्त धावफलक ः विजय क्रिकेट क्लब ः 32 षटकांत सर्वबाद 160 (रजत शेट 63, आयुष वेर्लेकर 27, शेरबहादूर यादव 5-30, अंत्रज हितामगिरी 2-21) पराभूत वि. आर्लेम क्लब ः 28 षटकांत 4 बाद 163 (राजशेखर हरिकांत 56, अचित शिगवण 39, शुभम गजिनकर 22 धावा, अमित यादव, श्रेयस उसगावकर, सुजय नाईक प्रत्येकी 1 बळी).
वैयक्तिक बक्षिसे ः कौशल हट्टंगडी (उत्कृष्ट फलंदाज), सनिकेत पालकर (उत्कृष्ट गोलंदाज), शेरबहादूर यादव (अंतिम सामन्याचा मानकरी), अचित शिगवण (स्पर्धेचा मानकरी).
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.