मडगाव: शिरोडा येथील शिवग्राम शाळा समूहाने शिक्षक व शिक्षकेतर कर्मचाऱ्यांसाठी आयोजित केलेल्या बॅडमिंटन स्पर्धेत (Badminton Tournament) काराय शिरोडा येथील सेंट जोसेफ हायस्कूलने (Winner St. Joseph High-school, Shiroda) सांघिक विजेतेपद जोडले. त्यांच्या एनी लोबो (Teacher Annie Lobo) या शिक्षिकेला विजेतेपदांचा तिहेरी मुकुट प्राप्त झाला.

या स्पर्धेचे उपविजेतेपद शिरोडा येथील सिम्बॉयसिस स्कुलला प्राप्त झाले.या स्पर्धेत या दोन शाळा व्यतिरिक्त शिरोडा उच्च माध्यमिक विद्यालय, ब्रह्मदुर्गा विद्यालय, कामाक्षी विद्यालय व कामलादेवी विद्यालयाच्या कर्मचाऱ्यांनी भाग घेतला होता.

या स्पर्धेत सेंट जोसेफच्या एनी लोबो हिने महिला एकेरीत विजय मिळवितानाच महिला दुहेरीत एनी व्हाझ हिच्यासह तर मिश्र दुहेरीत आग्नेल परेरा यांच्या जोडीने विजेतेपद पटकावले. पुरुष एकेरीत याच शाळेतील आग्नेल परेरा यांनी विजेतेपद पटकावले. या यशाबद्दल शाळेचे मुख्याध्यापक एरव्हीन कुलासो आणि व्यवस्थापक फा. लेस्ली रेगो यांनी अभिनंदन केले.