गुजरात टायटन्सने लखनऊ सुपर जायंट्सचा 62 धावांनी पराभव केला. शुभमन गिलने IPL 2022 च्या 57 व्या सामन्यात गुजरातसाठी चमकदार कामगिरी केली. त्याने 63 धावांची नाबाद खेळी खेळली. संघाच्या विजयानंतर कर्णधार हार्दिक पंड्याने (Hardik Pandya) शुभमनचे खूप कौतुक केले. (Lucknow Super Giants vs Gujarat Titans)

संघाच्या 62 धावांच्या विजयानंतर हार्दिक म्हणाला, "प्रत्येकाने ज्या प्रकारे फलंदाजी केली, विशेषत: शुभमन, मला असे वाटले की 145 धावा केल्यानंतर, आम्हाला चांगली संधी मिळेल. माझ्या मते त्यांच्या गोलंदाजांनी थोडी कमी गोलंदाजी केली. फुल लेंथ बॉल्सवर चांगले परिणाम येत होते. आम्ही गटात फक्त एकच गोष्ट बोललो की ते फक्त दोन शॉट्सवर धावा काढू शकतात." (IPL 2022)

सुस्थितीत असतानाही शेवटचा सामना हरल्यानंतर सहकारी खेळाडूंशी बोललो होतो, असे हार्दिकने सांगितले. तो म्हणाला, “14 व्या सामन्यापूर्वी पात्रता मिळवणे खूप छान आहे, हा एक चांगला प्रयत्न आहे आणि आम्हाला स्वतःचा अभिमान आहे. मैदानावर जाण्यापूर्वी मी शेवटच्या सामन्याबद्दल सहकारी खेळाडूंशी चर्चा केली. मला वाटते की आम्ही जिंकलेल्या सर्व सामन्यांमध्ये आमच्यावर दबाव होता. शेवटचा सामना हा एकमेव सामना होता ज्यात आम्ही चांगल्या स्थितीत होतो आणि आमच्याकडे असलेल्या फलंदाजाच्या स्किलवर आम्ही तो सामना जिंकायला हवा होता. पण असे झाले नाही."