रोज अंडी खायला हवीत असा सल्ला दिला जातो. अनेकांना नाश्त्यात तेलकट पदार्थ खायला आवडत नाहीत ते, सहसा उकडलेली अंडी खातात. अंड्याची करी ऑम्लेटपेक्षा जास्त आरोग्यदायी आहे कारण त्यात प्रथिने, हेल्दी फॅट आणि आवश्यक पोषक घटक असतात. रोज एक उकडलेले अंडे खाल्ल्याने मेंदूची कार्यक्षमता सुधारते. वजन कमी करण्याच्या आहारात देखील अंडी खाण्याचा सल्ला दिला जातो.

भुर्जी किंवा स्क्रॅम्बल्ड अंडी खायला जर तुम्हाला आवडत नसेल तर तुम्ही अर्धे शिजवलेले अंडे देखील खाऊ शकता. हे ऑम्लेटसारखेच असते, परंतु अंड्याचा पिवळा भाग गोल आणि अर्धा शिजलेला असतो. कढईत थोडे तेल टाकून गरम करा. एक अंडे फोडून त्यात टाका. तिखट, काळी मिरी पावडर, मीठ घालून मंद आचेवर झाकून ठेवा आणि एक मिनिट तसेच राहू द्या. अर्धे शिजवलेले अंड्यात जास्त कॅलरिज असतात.

स्क्रॅम्बल्ड एग - हे भुर्जीपेक्षा खूप वेगळे आहे. भुर्जीपेक्षा स्क्रॅम्बल्ड अंडी हेल्दी आणि चविष्ट असते. तेलही कमी लागते. एका भांड्यात अंडी फोडून घ्या. पॅनमध्ये ठेवा, काही मिनिटे हलवा, तुमचे स्क्रॅम्बल्ड अंडी तयार आहे. 2 अंड्यांपासून बनवलेल्या स्क्रॅम्बल्ड अंड्यामध्ये सुमारे 145 कॅलरीज आणि 10 ग्रॅम फॅट असते, जे आरोग्यासाठी लाभदायक मानले जाते.

पोच केलेले अंडी देखील नाश्त्यासाठी उत्तम मानली जातात. पोच अंडी तयार करण्यासाठी तेलाची गरज लागत नाही. गरम पाण्यात अंडी फोडून 2-3 मिनिटे झाकून ठेवा. तुमची पोच अंडी तयार होतील. अंडी प्लेटमध्ये काढून घ्या आणि त्यावर मीठ, मिरी पावडर टाकून खा.

नाश्त्यात ऑम्लेट जास्त खाल्ले जाते. ऑम्लेट बनवण्यासाठी तुम्ही अंड्यामध्ये काही बारीक चिरलेल्या भाज्या देखील घालू शकता. ऑम्लेटमध्ये कांदा, टोमॅटो, सिमला मिरची, कोथिंबीर, हिरवी मिरची घातल्यास अधिक चविष्ट होतात. फक्त एक काळजी घ्या अंडी जास्त काळ शिजवू नका नाहीतर त्यातील सर्व पोषक तत्वे नष्ट होतील.