Lung Cancer : जगात सर्वाधिक मृत्यू कोणत्या कर्करोगामुळे होतात हे तुम्हाला माहीत आहे का? तसे, सर्व प्रकारचे कर्करोग धोकादायक मानले जातात. परंतु फुफ्फुसाचा कर्करोग हा असाच एक कर्करोग आहे, जो संपूर्ण जगात कर्करोगामुळे सर्वाधिक मृत्यूचे कारण आहे.

फुफ्फुसाचा कर्करोग हा स्तन आणि प्रोस्टेट कर्करोगानंतरचा तिसरा सर्वात सामान्य कर्करोग आहे. सिगारेटचा धूर हे फुफ्फुसाच्या कर्करोगाचे मुख्य कारण मानले जाते.

फुफ्फुसाच्या कर्करोगाच्या रुग्णांची संख्या कमी होत असली तरी धूम्रपान न करणाऱ्यांमध्येही हा कर्करोग वाढत असल्याचे दिसून आले आहे. म्हणजेच, असे अनेक घटक आहेत, जे फुफ्फुसांवर एकप्रकारे परिणाम करत आहेत आणि त्यामध्ये कर्करोग निर्माण करतात. धूम्रपान न करणाऱ्यांमध्ये फुफ्फुसाचा कर्करोग होण्याची अनेक कारणे असू शकतात. चला जाणून घेऊया त्या कारणांबद्दल...

धुम्रपान व्यतिरिक्त फुफ्फुसाचा कर्करोग होण्याची अनेक कारणे :

1. धूम्रपान करणाऱ्यांच्या संपर्कात येणे : असे बरेच लोक आहेत जे धूम्रपान करत नाहीत, परंतु धूम्रपान करणाऱ्यांच्या संपर्कात येतात. जर तुम्ही अशा ठिकाणी उभे असाल जिथे कोणी धूम्रपान करत असेल, तर जाणूनबुजून किंवा नकळत तुम्ही देखील तो धूर आपल्या आत घेत असता. हा धूर घेतल्यास फुफ्फुसाचा कर्करोग होण्याचा धोका वाढू शकतो.

2. वायू प्रदूषण : भारतातील फुफ्फुसाच्या कर्करोगाचे मुख्य कारण म्हणजे वायु प्रदूषण. वर्ल्ड हेल्थ ऑर्गनायझेशन (WHO) नुसार, वायुप्रदूषणामुळे दरवर्षी 1.8 दशलक्ष लोक फुफ्फुसाच्या कर्करोगाने मरतात. वायू प्रदूषण फुफ्फुसाच्या कर्करोगासह अनेक आरोग्य समस्यांशी निगडीत आहे.

3. रेडिएशन एक्सपोजर : रेडिएशन एक्सपोजरमुळे फुफ्फुसांच्या पेशींमधील डीएनए खराब होऊ शकतो. यामुळे उत्परिवर्तन होऊन फुफ्फुसाचा कर्करोग होऊ शकतो. अणुउद्योगात काम करणाऱ्या लोकांसारख्या उच्च पातळीच्या आयनीकरण किरणोत्सर्गाच्या संपर्कात आलेल्या लोकांना फुफ्फुसाचा कर्करोग होण्याचा धोका जास्त असतो.