Swastik Tips: भारतीय संस्कृतीत स्वस्तिकला खुप महत्व आहे. कोणतेही शुभ काम करताना सर्वात पहिले स्वस्तिक काढले जाते. घरातल्या उंबरठ्यापासून ते घरात होणारे शुभ कार्य असो. एखादा मंगल कार्यक्रम असो किंवा अगदी सत्यनारायणाची पूजा असो.

प्रत्येक ठिकाणी स्वस्तिक काढल्याशिवाय शुभ कार्यक्रमाला सुरुवात होत नाही. पण हे स्वस्तिकचे चिन्ह नेमके कशाचे प्रतीक आहे आणि स्वस्तिक काढताना कोणत्या गोष्टींची काळजी घेतली पाहिजे हे आपण जाणून घेउया.

• काय आहे स्वस्तिक चिन्हाचा अर्थ

स्वस्तिक हे भारतीय (India) स्कृतीचे शुभप्रतीक आहे. स्वस्तिकचा सुचक अर्थ 'कल्याण असो' असा आहे.

स्वस्तिक मध्ये सूर्य, इंद्र, वायु, पृथ्वी, लक्ष्मी, विष्णू, ब्रम्हदेव, शिवपार्वती,श्रीगणेश अशा अनेक देवतां वास करतात. शांती,समृद्धी आणि मंगल यांचे प्रतीक स्वस्तिक ला मानले जाते.

• असे काढावे स्वस्तिक

तुम्ही हळद किंवा शेंदुराने स्वस्तिक चिन्ह काढु शकता.

• कोणती दिशा स्वस्तिक काढण्यासाठी उत्तम आहे

नेहमी स्वस्तिक काढण्यासाठी उत्तर-पूर्व दिशा सर्वोत्तम आहे. पूजेच्या ठिकाणी किंवा घराच्या मुख्य दरवाजावरही स्वस्तिकचे प्रतीक बनवू शकता.

असे केल्याने देवी मातेच्या कृपेने तुम्हाला शुभ परिणाम तर मिळतात, याशिवाय वास्तुशी संबंधित समस्यांच्या नकारात्मक प्रभावापासूनही मुक्ती मिळते. स्वस्तिकचे चिन्ह घरात असल्यास घरात सकारात्मक उर्जा वास करते.

• कोणती काळजी घ्यावी

घराच्या मुख्य दरवाजाच्या उंबरठ्यात आणि मंदिरात (Temple) स्वस्तिक काढल्याने वास्तुदोष दूर होतात. या दोन्ही ठिकाणी हळदीने स्वस्तिक बनवा आणि त्याखाली 'शुभ लाभ' असे लिहा.

असे केल्याने तुमच्या घरात (Home) नेहमी सकारात्मकता राहील. यासोबतच लक्ष्मीची कृपाही कायम राहील. लक्षात ठेवा स्वस्तिकचे चिन्ह 9 बोटे लांब आणि रुंद असावे.