Vastu Tips For Study Room: वास्तुशास्त्रामध्ये घरासाठी अनेक उपाय सांगितले आहेत. यामुळे घरात सुख-शांती नांदते. तसेच अनेक गोष्टींसाठीही उपाय सांगितले आहेत. घरातील मुलांची स्टडी रूम कशी असावी रूमला कोणता रंग असावा यासाठीही उपाय सांगितले आहेत.

जर तुमच्या मुलाचेही अभ्यासात मन लागत नसेल तर वास्तुत सांगितलेल्या उपायांचा वापर करू शकता.

मुलांची स्टडी रूम ही एक असी जागा जिथे शांततेत, कोणताही आवाज आणि हस्तक्षेप न करता अभ्यास करू शकतो आणि या सर्व गोष्टींसाठी स्टडी रूमचे वातावरण चांगले आणि शांत असणे गरजेचे असते.

स्टडी रूम वाचनीय बनवण्यातही रंग महत्त्वाची भूमिका बजावतात. चला तर मग जाणून घऊया की या रूमला कोणता रंग द्यावा

स्टडी रूमसाठी हलके रंग वापरणे वास्तुशास्त्रानुसार शुभ मानले जाते. स्टडी रूमसाठी क्रीम कलर, फिकट जांभळा, फिकट हिरवा, आकाशी निळा, पिवळा किंवा तपकिरी रंग वापरावे. 

कारण वास्तुशास्त्राच्या दृष्टिकोनातून लाइट रंग शुभ मानला जातो. विशेषतः पिवळा रंग स्टडी रूमला लावल्यास मुलांची अभ्यास करण्याची क्षमता वाढवण्यास मदत मिळते. 

• वास्तूशास्त्रानुसार घरासाठी कोणता रंग योग्य

1. आकाशी निळा रंग

वास्तूशास्त्रानुसार घरातील खोल्यांच्या रंगासाठी हलका निळा रंग योग्य मानला जातो. हा रंग तुम्ही घराच्या पश्चिम बाजूच्या भिंतीवरही लावू शकता. लक्षात ठेवा, गडद निळा रंग वापरू नका, तर तो आकाशी निळा रंग असावा.

घराचा उत्तरेकडील भाग पाण्याशी संबंधित असल्याचे मानले जाते. वास्तूनुसार उत्तर दिशेच्या भिंतींवर पिस्ता किंवा हिरवा रंग लावल्यास देवी लक्ष्मी प्रसन्न होऊन कुटुंबावर धन-संपत्तीचा वर्षाव करते, अशी मान्यता आहे.

2. बेडरूममध्ये गुलाबी रंग वापरा

जर आपण बेडरूमबद्दल बोललो तर आपण त्यात गुलाबी आणि आकाशी रंग वापरू शकता. हे दोन्ही रंग सकारात्मक उर्जेचा प्रवाह वाढवतात आणि घरामध्ये जिवंतपणा ठेवतात.

वास्तूनुसार, घराच्या आग्नेय दिशेला पिवळा, गुलाबी किंवा भगवा रंग लावणे शुभ मानले जाते. ही दिशा अग्नीशी संबंधित असल्याचे मानले जाते. त्यामुळे या दिशेला केवळ अग्नीशी संबंधित रंगच वापरावेत.

3. घराच्या मंदिरात हलका पिवळा रंग शुभ

घराच्या मंदिरात हलका गुलाबी, हलका पिवळा, पांढरा किंवा आकाशी रंग वापरणे चांगले मानले जाते. दुसरीकडे, घराच्या छतासाठी पांढरा रंग सर्वोत्तम मानला जातो.