Turichya Danyacha Bhat: हिवाळ्यात तुरीच्या शेंगा मोठ्या प्रमाणात येतात. यापासून वेगवेगळ्या प्रकारचे पदार्थ बनवले जातात. मग यामध्ये तुरीच्या दाण्याचा मसाले भात,आमटी, कचोरी ,उसळ किंवा फक्त गरम पाण्यात उकळून देखील शेंगांचा आस्वाद घेतला जातो. ओल्या तुरीच्या दाण्यापासून मसाले भात कसा बनवायचा हे जाणून घेऊया. हा मसाले भात बनवायला सोपा आणि चवदार देखील आहे.
तुरीच्या दाण्याचा मसाले भात बनवण्यासाठी लागणारे साहित्य
ओले तुरीचे दाणे
जिरं
मोहरी
तिखट
हळद
काळा मसाला
तेज पान
कांदा
बटाटे
फुलकोबी
तांदुळ
तेल
मीठ
टिप: तुम्ही टोमॅटो देखील टाकू शकता.
तुरीच्या दाण्याचा मसाले भात बनवण्याची कृती
ओल्या तुरीच्या दाण्यापासून मसाले भात तयार करण्यासाठी सर्वात पहिले दाणे काढून घ्यावे. नंतर एका कुकरमध्ये तेल टाकून त्यात जिरं, मोहरी, कांदा, तेजपान, फुलकोबी, बटाटा,तुरीचे दाणे टाकून चांगले मिक्स करावे. नंतर लाल तिखट, हळद, काळा मसाला टाकून चांगले मिक्स करावे. नंंतर तांदूळ स्वच्छ धुवून त्यात टाकावे आणि चांगले मिक्स करावे. शेवटी गरजेनुसार पाणी आणि मीठ टाकून कुकरचे झाकण लावावे. तीन शिट्ट्या झाल्यावर गॅस बंद करावा. तुरीच्या दाण्याचा गरमा-गरम मसाले भात तयार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.