दैनंदीन कामाचा ताण, धावपळीचे जीवनशैली आणि अस्वास्थ्यकर खाण्याच्या सवयी जसे की अनियमित वेळी खाणे, जास्त खाणे किंवा जाता जाता खाणे पचनसंस्थेसाठी (Digestive system) हानिकारक ठरू शकते. यामुळे एखाद्याला गॅस, सूज येणे, अपचन, ओटीपोटात दुखणे आणि अतिसार आणि इतर जठरासंबंधित समस्या यासारख्या लक्षणांचा सामना करावा लागू शकतो. निरोगी आरोग्यासाठी पचन संस्थेचे कार्य सुरळीत चालणे आवश्यक आहे. यासाठी पचन संस्था निरोगी (Healthy) ठेवण्यासाठी काही आयुर्वेदिक औषधी वनस्पतींचा समावेश करू शकता.

* जिरे

जिऱ्याचा वापर विवध प्रकारच्या पदार्थांमध्ये चव वाढवण्यासाठी केला जातो. या व्यतिरिक्त, या बिया पाचन समस्यापासून मुक्त होण्यास मदत करतात. जिऱ्यामध्ये एंटी इंफ्लेमेटरी हे गुणधर्म असतात. यामुळे पोटाच्या समस्या कमी होतात. जिऱ्याचे पाणी साधारणपणे पाचक एन्झाईम्सच्या स्रावना उत्तेजित करते आणि पचन प्रक्रिया सुरळीत होते.

* मेथी

मेथी फायबर आणि अँटिऑक्सिडंट्सचा चांगला स्त्रोत आहे. याशिवाय मेथीचे दाणे नैसर्गिक पचन म्हणून काम करू शकतात. ते शरीरातून हानिकारक विष काढून टाकण्यास मदत करतात. मेथीचे सेवन केल्याने पोट आणि आतडे चांगले राहतात. नियमितपणे सकाळी उठून रिकाम्या पोटी मिथीचे पाणी पिल्यास वजन कमी होण्यास मदत मिळते.

* वेलची

वेलची वापर आपण अनेक पदार्थांची चव वाढवण्यासाठी करतो. तसेच वेलची पोटासंबंधित आजार दूर करण्यासाठी मदत करते. ज्या लोकांना गॅसची समस्या असते त्या लोकांनी वेलचीचे सेवन करावे.

* हळद

हळद सामान्यत: स्वयंपाकासाठी वापरली जाते. हळदीमध्ये अँएंटी-फंगल, एंटी-वायरल, एंटीऑक्सीडेंट, एंटीकार्सिनोजेनिक, एंटी-म्यूटाजेनिक, एंटीबैक्टीरियल और एंटी इंफ्लेमेटरी गुण असतात. आयुर्वेदात हळदीला खूप महत्व आहे.