Goan Ghotache Sasav Recipe

कोकणी पाककृती समृद्ध आणि वैविध्यपूर्ण आहे. हे कोकणी लोकांच्या सांस्कृतिक आणि पाक परंपरांचे प्रतिबिंब आहे. जरी सीफूड हे कोकणी पाककृतीचे वैशिष्ट्य असले तरी गोव्यातले अनेक शाकाहारी पदार्थ देखील लोकप्रिय आहेत.

घोटाचे सासव (Goan Ghotache Sasav) ही एक गोड, आंबट आणि मसालेदार पिकलेल्या आंब्याची रेसिपी आहे.ही रेसिपी जास्तीत-जास्त 20 मिनिटांच्या आत तयार होते.

घोटाचे सासव हा पारंपरिक कोकणी पदार्थ आहे. उन्हाळ्यात, जेव्हा आंबे मुबलक प्रमाणात मिळतात, तेव्हा घोटाचे सासव ही रेसिपी गोव्यातल्या घराघरात केलीच जाते. चला तर मग पाहूयात याची स्टेप-बाय-स्टेप रेसिपी....

साहित्य

• पिकलेले आंबे

• किसलेले ओले खोबर

• हळद पावडर

• तिखट

• तेल

• हिंग

• मोहरी

• मेथी दाणे

• मीठ

• गूळ

• पाणी

कृती

• घोटाचे सासव करण्यासाठी सगळ्यात आधी पिकलेले आंबे स्वच्छ धुऊन घेऊन त्याची साले काढून घ्यावीत.

• त्यानंतर ग्रेव्हीसाठी मिक्सरच्या भांड्यामध्ये ओले किसलेले खोबरे घालून त्याच्यामध्ये हळद पावडर आणि मिरची पावडर टाकून थोडेसे पाणी ओतावे आणि मिश्रण एकजीव वाटून घ्यावे.

• कढईत दोन चमचे तेल टाकून त्याच्यामध्ये मोहरी आणि अर्धा चमचा मेथीचे दाणे टाकावेत.

• नंतर त्याच्यामध्ये सोlललेले आंबे टाकावेत.

• यानंतर वाटलेले खोबऱ्याचे मिश्रण त्याच्यामध्ये टाकावे व चवीपुरते मीठ वरून टाकावे.

• शेवटी दोन चमचे गूळ टाकून आवश्यकतेनुसार पाणी टाकावे.

• शेवटी एक उकळी येऊ द्यावी. अगदी 15-20 मिनिटात तयार आहे घोटाचे सासव.

घोटाचे सासव ही एक चविष्ट गोवन स्टाईल करी आहे. ही भातासोबत करी सर्व्ह करू शकता. ही रेसिपी आपल्यासोबत मधुरा वायंगणकर यांनी शेयर केली आहे