Summer Health Tips: मागील 15 दिवसांपासूनच उन्हाचा तडाखा जाणवू लागला आहे. मार्च महिना सुरू होताच देशाच्या काही भागात अचानक तापमानात वाढ होते. यंदाच्या तापमानाची स्थिती पाहता यावेळी कडक ऊन पडणार असल्याचे बोलले जात आहे.

अशा परिस्थितीत, उष्णतेपासून लोकांना सुरक्षित ठेवण्यासाठी केंद्रीय आरोग्य मंत्रालयाने उष्माघाताचा सल्लाही जारी केला आहे. या अ‍ॅडव्हायजरी अंतर्गत आरोग्य मंत्रालयाने अति उष्णतेचा प्रभाव टाळण्यासाठी काही महत्त्वाची मार्गदर्शक तत्त्वे जारी केली आहेत. उष्णतेपासून स्वत:चा बचाव करण्यासाठी काही प्रभावी उपायांबद्दल जाणून घेऊया.

• जास्तीत जास्त पाण्याचे सेवन

पाण्याअभावी उन्हाळ्यात अनेकदा डिहायड्रेशनची समस्या उद्भवते. यामुळे व्यक्ती अनेक आजारांना बळी पडू शकते. अशा परिस्थितीत, जर तुम्हाला उष्णतेपासून स्वत:चा बचाव करायचा असेल, तर स्वतःला पूर्णपणे हायड्रेटेड ठेवणे आवश्यक आहे. यासाठी जास्तीत जास्त पाणी, हंगामी फळे आणि भाज्यांचे सेवन करा. याशिवाय या दिवसात लिंबू पाणी, लस्सी यांचे सेवन करत राहणे गरजेचे आहे.

• सूर्यप्रकाशापासून स्वत:चा बचाव

उन्हाळ्यात होणार्‍या आजारांपासून स्वतःचा बचाव करण्यासाठी उच्च प्रथिनेयुक्त अन्न खाणे टाळणे आवश्यक आहे. तसेच दुपारी 12 ते 3 यादरम्यान उन्हात बाहेर पडू नये. यादिवसात तसेच पातळ, सैल आणि हलक्या रंगाचे सुती कपडे वापरा, जेणेकरून तुम्हाला उष्णतेचा कमी त्रास होईल.

• चहा-कॉफीचे सेवन टाळा

उष्णतेचा प्रभाव टाळण्यासाठी उन्हाळ्याच्या दिवसात अल्कोहोल, चहा, कॉफी आणि कार्बोनेटेड शीतपेये टाळण्याचा सल्ला दिला जातो. याशिवाय उच्च प्रथिनेयुक्त अन्न आणि शिळे अन्न खाणे टाळावे.

• मसालेदार अन्न टाळा

उष्णतेची लाट टाळण्यासाठी, मसालेदार अन्नापासून दूर राहा. तसेच, या हंगामात अधिकाधिक वनस्पती-आधारित आहार घेण्याचा प्रयत्न करा आणि आपल्या आहारात ताजी फळे आणि भाज्यांच्या रसांचा समावेश करा. मसाल्याच्या पदार्थांमध्ये अधिक उष्णता असते त्यामुळे याचा आपल्याला त्रास होऊ शकतो.

• या दिवसात मांसाहाराचे सेवन करू नका

उन्हाळ्यात सुरक्षित राहण्यासाठी मांसाहार कमी करा. याचे मुख्य करना म्हणजे या दिवसात मांसाहारी अन्न पचण्यास बराच वेळ लागतो. अन्न पचण्यास उशीर झाल्यामुळे शरीरातील उष्णता वाढते, ज्यामुळे निर्जलीकरण होते.