Mango Sandwich Recipe : उन्हाळ्याचे आगमन होताच बाजारपेठेत आंबे दिसू लागले आहेत. साध्या आंब्याबरोबरच घराघरांतही आंबे खाण्याची सुरूवात झाली आहे. साधा आंबा खायला जेवढा स्वाद लागतो, तितक्याच त्यापासून बनवलेल्या पाककृतीही स्वादिष्ट असतात. तुम्ही कधी मॅंगो सँडविच ट्राय केला आहे का ? आंब्याच्या कापांपासून तयार केलेले हे सँडविच केवळ स्वादिष्टच नाही तर शरीरात ऊर्जा वाढवण्याचे काम करते. आत्तापर्यंत तुम्ही ही रेसिपी घरी करून पाहिली नसेल, तर आम्ही तुम्हाला ती बनवण्याची सोपी पद्धत सांगणार आहोत. मुलांनाही त्याची चव खूप आवडेल. ब्रेड स्लाइससोबत, आंब्याचे सँडविच बनवण्यासाठी आंब्याचे काप वापरले जातात. हे बनवायला खूप सोपे आहे आणि ते काही मिनिटांत तयार होते. हे नाश्त्यात किंवा दिवसा स्नॅक म्हणून देखील खाल्ले जाऊ शकते. (Mango Sandwich Recipe)

मँगो सँडविचसाठी लागणारे साहित्य

आंव्याचे स्लाइस

ब्रेड स्लाइस – 4

काळी मिर्च – 1 चिमुटभर

मिठ – चविनुसार

बटर – 1 टेबलस्पून

मँगो सँडविच बनवण्याची पद्धत

मँगो सँडविच बनवण्यासाठी आधी आंबा घ्या आणि तो धुवून त्याचे तुकडे करा. एका भांड्यात काढा आणि बाजूला ठेवा. आता ब्रेडचे तुकडे घेऊन सपाट जागी ठेवून त्याच्या सभोवतालच्या कडा चाकूच्या साहाय्याने कापून वेगळ्या करा. (तुम्हाला हवे असल्यास तुम्ही ते कापल्याशिवाय वापरू शकता.) आता ब्रेडचे तुकडे एका सपाट जागेवर ठेवून, चाकूच्या मदतीने, त्यांच्या भोवती हलकेच बटर लावा.

ब्रेडला बटर लावल्यावर त्यावर आंब्याचे काप टाका आणि वर काळी मिरी पुड शिंपडा. त्यानंतर चवीनुसार मीठ शिंपडा आणि वर दुसरा ब्रेड स्लाईस ठेवून सँडविच बंद करा. यानंतर, सँडविच मध्यभागी किंवा तिरपे कापून प्लेटमध्ये ठेवा. आता तुमचा स्वादिष्ट मँगो सँडविच तयार आहे. सॉससोबत तुम्ही हे सॅडविच सर्व्ह करू शकता.