नातं टिकवून ठेवण्यासाठी एकमेकामवर प्रेम आणि विश्वास असणे गरजेचे आहे. पण अनेकवेळा नात्यात लोक अशा काही चुका करतात ज्यामुळे नात्यात दुरावा निर्माण होऊन तुटू शकते. या चुका कोणत्या आहेत हे जाणून घेऊया.
फसवणूक करणे
तुम्ही तुमच्या जोडीदाराशी नेहमी एकनिष्ठ राहावे. जोडीदाराची फसवणूक केल्यास नातं नष्ट होऊ शकते. जेव्हा अनेक लोक नातेसंबंधात येतात तेव्हा त्यांना त्यांच्या जोडीदाराकडून प्रामाणिकपणा अपेक्षित असते. तुम्ही त्यांची फसवणूक करत आहात हे दाखवणारे काही त्यांना दिसले तर त्यांचा विश्वास तुटतो. त्यामुळे जर तुम्ही आनंदी नात्याची अपेक्षा करत असाल तर तुम्ही तुमच्या जोडीदाराची फसवणूक करण्याचा विचारही करू नका.
खोटं बोलणे किंवा लपवणे
खोटं बोलणे किंवा लपविल्याने हळूहळू संशय निर्माण होतो आणि संशय कोणतंही नातं बिघडू शकते. प्रकरण उघडकीस आल्यास आपला जोडीदार याला सामोरे जाईल असे अनेकांना वाटते, परंतु असे खोटं वारंवार बोलले गेल्यास नात्याच्या भिंती हळूहळू तुटू लागतात. त्यामुळे नेहमी आपल्या जोडीदाराला खरे सांगा आणि काहीही लपवू करू नका.
संवादाचा अभाव
नातं टिकवून ठेवण्यासाठी जोडीदाराशी संवाद आणि प्रेम टिकवून ठेवणे महत्त्वाचे असते. जर तुम्ही तुमच्या जोडीदारासाठी रोज थोडा वेळ काढू शकत नसाल तर त्याचा परिणाम तुमच्या नात्यावर होतो. जर तुम्ही विभक्त कुटुंबात रहात असाल किंवा तुमच्या जोडीदारासोबत एकटे राहत असाल, तर संवाद आणि समर्थन अधिक महत्त्वाचे आहे. जोडीदाराला वेळ न दिल्याने नात्याची चमक कमी होते आणि काही काळानंतर नातं तुटू शकते.
वाईट गोष्टी बोलणे
नात्यातील निष्ठा आणि प्रेमाप्रमाणेच आपल्या जोडीदाराचा आदर करणे देखील महत्त्वाचे आहे. शारीरिक किंवा शाब्दिक हिंसाचाराला नात्यात स्थान नसावे. तुम्ही तुमच्या जोडीदाराला छोट्या छोट्या चुकांसाठी शिवीगाळ केली, वाईट वागणूक दिली किंवा मारहाण केली तर काही काळानंतर नातं तुटू शकते. जर तुम्हाला खूप लवकर आणि जास्त राग येत असेल तर त्यावर नियंत्रण ठेवावे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.