Raw Mango : उन्हाळा येताच बाजारात आंब्याचा घमघमाट सुटतो. रसरशीत आंब्याची चव प्रत्येकालाच हवी असते. पिकलेल्या आंब्यासोबतच लोकांना कच्चा आंबा म्हणजे कैरी खायलाही जास्त आवडते. चवीला आंबट कैरी मीठ लावून खातात. कैरीची चटणी अनेक घरांमध्ये बनवली जाते. कैरी खाल्ल्याने आरोग्याला काही फायदे मिळतातच, पण त्याचे काही तोटेही आहेत. अनेक आरोग्य समस्यांमध्ये याचे सेवन करणे हानिकारक मानले जाते. याबद्दल सविस्तर माहिती जाणून घ्या.

कैरी खाण्याचे तोटे

1. कैरीमध्ये फायबरचे प्रमाण जास्त असते. यामुळे कैरी जास्त खाल्ल्याने पोट खराब होऊ शकते. तुम्हाला अतिसार होऊ शकतो. त्यामुळे पोटदुखी आणि गॅसची समस्याही होऊ शकते.

2. जास्त कैरी खाल्ल्याने शरीरातील उष्णता वाढू शकते. कारण त्याचा प्रभाव उष्ण असतो. यामुळे तोंडात फोड येऊ शकतात आणि ओठांभोवती मुरुम येऊ शकतात.

3. काही लोकांच्या रक्तातील साखरेची पातळी कमी असते. अशा परिस्थितीत कैरी खाल्ल्याने त्यांची रक्तातील साखरेची पातळी आणखी कमी होऊ शकते आणि समस्या आणखी वाढू शकते. त्यामुळे कैरीचे सेवन प्रमाणातच करा.

4. कैरी दातांसाठी खूप घातक ठरू शकते. त्यामध्ये असलेले अतिरिक्त आंबट गुण तुमच्या दातांना नुकसान पोहोचवू शकतात. ज्या लोकांना आधीच वेदना, मुंग्या येणे किंवा पायोरियाच्या तक्रारी आहेत, त्यांनी चुकूनही कैरी खाऊ नये.

5. संवेदनशील घसा असलेल्या लोकांनीही कैरी खाणे टाळावे, अन्यथा त्यांना संसर्गाचा सामना करावा लागू शकतो. कफ, खोकला किंवा घशाशी संबंधित कोणत्याही प्रकारची समस्या असल्यास कैरी खाणे टाळावे. तज्ञांच्या मते, कैरीची चटणी, पन्हं बनवून त्याचे मर्यादित प्रमाणात सेवन करणे सुरक्षित आहे.