Protein Rich Fruit: प्रत्येकजण आपल्या आवडीनुसार स्वत:चा आहार ठरवत असतो. यातील काहीजण शाहाकारी असतात तर काहीजण मासांहरी असतात. आता मासांहरी लोक शाहाकारदेखील करत असल्याने त्यांना सर्व आवश्यक पोषक घटक मिळतात. मात्र शाहाकारी लोकांना मासांहरातून जे पोषक घटक मिळतात ते मिळू शकत नाहीत. ते मिळवण्यासाठी त्यांना वेगवेगळे पर्याय शोधावे लागतात.

जे शाहाकार करतात त्यांना अनेकदा प्रोटीनची कमतरता जाणवते. आपल्या मांसपेशींना मजबूत करण्यासाठी प्रोटीन सगळ्यात महत्वाचा पोषक घटक मानला जातो. यामुळे आपले शरिर मजबूत होते.

चला तर जाणून घेऊयात, प्रोटीन मिळवण्यासाठी मासांहराला कोणते पर्याय असू शकतात. अशी काही फळे जी आपल्याला सहजपणे उपलब्धदेखील होऊ शकतात आणि रोज त्याचा आपण आपल्या आहारात समावेशदेखील करु शकतो.

१. पेरु

पेरू हे एक अतिशय चविष्ट फळ आहे जे थेट खाता येते. याशिवाय पेरु सॅलडच्या स्वरूपात खाता येतो. पेरुचा रस आणि जेली देखील तयार केली जाते. त्यात लाल आणि पांढरा भाग आहे, जो फायबरचा समृद्ध स्रोत आहे. जर तुम्ही 100 ग्रॅम पेरू खाल्ला तर तुम्हाला सुमारे 2.6 ग्रॅम प्रोटीन मिळेल. त्यामुळे पेरु प्रोटीनचा महत्वाचा स्रोत मानला जातो.

२. खजूर

शतकानुशतके मध्य पूर्व देशांमध्ये खजूर हे मुख्य फळ म्हणून खाल्ले जात आहे. ते भारतातही घेतले जाते. खजूर तुम्ही अनेकप्रकारे खाऊ शकता. युनायटेड स्टेट्सच्या कृषी विभागाच्या आकडेवारीनुसार, 100 ग्रॅम खजूरमध्ये 2.45 ग्रॅम प्रथिने आणि 8 ग्रॅम फायबर असतात.

३. बेदाणे

मनुका अनेक प्रकारच्या मिठाईंमध्ये वापरला जातो. ते द्राक्षे सुकवून तयार केले जाते, युनायटेड स्टेट्सच्या कृषी विभागानुसार, प्रत्येक 100 ग्रॅम मनुकामध्ये सुमारे 3 ग्रॅम प्रथिने असतात.

याबरोबरच, अॅव्हाकॅडो, अॅप्रीकोट, किवी, फणस ही फळेदेखील प्रोटीनचा समृद्ध स्रोत आहेत.