निरोगी आरोग्यासाठी (Healthy) अनेक लोक प्रथिनयुक्त आणि पोषक पदार्थांचे सेवन करतात. पण तुम्हाला माहिती आहे का या पदार्थांचे अतिसेवन देखिल शरिरासाठी घातक ठरू शकते. वजन कमी करण्‍यासाठी किंवा शरीर मजबूत करण्‍यासाठी प्रथिने घेणे खूप गरजेचे आहे. चांगले केस आणि वजन कमी (Weight) करण्यासाठी आहारात अधिकाधिक प्रथिनांचा समावेश करण्याचा सल्ला दिला जात असला, तरी प्रथिनयुक्त आहार जास्त घेणे आरोग्यासाठीही हानिकारक ठरू शकते.

कोणत्या समस्या निर्माण होउ शकतात

• लठ्ठपणाची समस्या

काही लोकांचा असे मानने आहे की प्रथिनांच्या सेवनाने वजन नियंत्रणात राहते,पण त्यासाठी प्रथिने मर्यादित प्रमाणातच घ्यावीत. आहारात (Food) जास्त प्रथिने घेतल्यास लठ्ठपणाची समस्या उद्भवू शकते. जर तुम्ही मर्यादेपेक्षा जास्त प्रथिने खाल्ले तर ते तुमच्या शरीरात चरबीच्या रूपात जमा होईल, ज्यामुळे तुम्हाला लठ्ठपणाची समस्या होऊ शकते.

• बद्धकोष्ठता

प्रथिने हे उच्च उष्मांक असते. जे पचण्यास खूप कठीण असते आणि जेव्हा ते नीट पचले नाही तर तुम्हाला पोट फुगणे आणि बद्धकोष्ठता सारखे आजार होऊ शकतात. जास्त प्रमाणात प्रथिने खाल्ल्याने शरीरात बद्धकोष्ठता निर्माण होऊ शकते.

• डिहायड्रेशन

जेव्हा प्रथिनांचे प्रमाण जास्त असते तेव्हा शरीराला त्याच प्रमाणात पाण्याची गरज असते.पाणी योग्य प्रमाणात न घेतल्यास डिहायड्रेशनची समस्या उद्भवू शकते. त्यामुळे शरीरातील प्रथिनांचे सेवन मर्यादित प्रमाणातच करावे.

• किडनीचे नुकसान

जास्त प्रमाणात प्रोटीनमुळे किडनीमध्ये (Kidney) समस्या निर्माण होऊ शकतात.जेव्हा जास्त प्रथिने शरीरात जातात तेव्हा किडनीला नायट्रोजन काढून टाकण्यात खूप अडचण येते. त्यामुळे डॉक्टर किडनीच्या समस्या असलेल्या लोकांना प्रोटीनपासून दूर राहण्याचा सल्ला देतात.

• हाडे कमकुवत होणे

प्रथिने जास्त प्रमाणात घेतल्यास शरीरातील हाडांच्या (Bones) आरोग्यावर परिणाम होतो.हाडे कमकुवत होऊ लागतात, ज्यामुळे ऑस्टिओपोरोसिस आणि कॅल्शियमची कमतरता यांसारखे आजार होऊ शकतात.