Navratri 2023: आजपासून देशभरात नऊ दिवस नवरात्री मोठ्या उत्साहात साजरी केली जाणार आहे. या नऊ दिवसात माता दुर्गेची मनोभावे पुजा केली जाते. अनेक लोक या दिवसांमध्ये उपवास करतात. तर अनेक लोक फक्त सातिव्क आहार घेतात.

या नऊ दिवसांमध्ये काही लोक कांदा, लसूण, कंदमूळ भाज्या, चहा, कॉफीचे सेवन टाळतात. नवरात्रीत फक्त फळाहार केला जातो.यामध्ये फळ, राजगिरा, भगर यासारख्या पदार्थांचे सेवन केले जाते. हे खाद्यपदार्थ सात्विक तर आहेतच शिवाय ते आरोग्यदायीही आहेत. फायबर, प्रथिने, जीवनसत्त्वे आणि खनिजे, सात्विक आहार विषारी पदार्थ बाहेर टाकू शकतो.

नवरात्रीत सात्विक आहार का घेतात?

शरीर डिटॉक्स

सात्विक पदार्थ हे साधारणपणे हलके, पचायला सुलभ असतात. यामध्ये जास्त मसाले आणि फॅट्स नसतात. हे शरीराला डिटॉक्सिफाई करण्यास आणि पाचन तंत्राला आराम करण्यास मदत करू शकते.

दिवसभर एनर्जेटिक ठेवते

सात्विक पदार्थ हे नैसर्गिक पोषक तत्वांनी समृद्ध आणि कमीत कमी प्रक्रिया केलेले असतात. अशा पदार्थांचे सेवन केल्याने दिवसभर शाश्वत ऊर्जा मिळते आणि संपूर्ण चैतन्य टिकवून ठेवण्यास मदत होते.

मन शांत ठेवते

सात्विक आहाराच्या साधेपणामुळे मानसिक स्पष्टता वाढते आणि मानसिक अस्वस्थता कमी होते असे मानले जाते. यामुळे ध्यान आणि प्रार्थना करताना मदत करते.

पचनक्रिया सुरळित राहते

पचनसंस्था सुरळित करण्यासाठी सात्विक आहार घेणे गरजेचे असते. तुम्हाला जर पोटासंबंधित आजार असेल तर तुम्ही सात्विक आहार घेणे सुरू केले पाहिजे. यामुळे पचनासंबंधित समस्या दूर होतात.

शांत स्वभाव

सात्विक अन्नाचा मनावर शांत प्रभाव पडतो असे मानले जाते. जे लोक सात्विक आहार घेतात ते रागीत स्वभावाचे नसतात. ते कोणताही निर्णय घेताना शांतपणे विचार करतात.

संतुलित आहार

सात्विक आहारामध्ये अनेकदा विविध फळे, भाज्या, सुकामेवा, आणि दुग्धजन्य पदार्थ यांचा समावेश होतो. हे उपवासाच्या काळात संतुलित पोषण आहार राखण्यास मदत करू शकते.