Monsoon Health Care: पावसाळा सुरू झाला असून सोबत अनेक आजार देखील घेऊन आला आहे. पावसाळ्यात आरोग्याची काळजी घेणे गरजेचे आहे. कारण पावसाळ्यात अनेक आजार वाढतात.

पावसाळ्यात अनेक आजार हे डासांशी संबंधित असतात. तसेच पोटांचे विकार वाढतात. त्यामुळे पावसाळ्यात पोट दुखीपासून बचाव करायाचा असेल तर काय करावे हे जाणून घेऊया.

पावसाळ्यात बाहेरचे पदार्थ खाल्याने तसेच दुषित पाणी पिल्याने संसर्ग वाढतो. पावसाळ्यात वेळीच काळजी घेतल्यास पोटदुखीची समस्या कमी होऊ शकते.

पोटदुखीमध्ये अपचन होणे, जुलाब, उलट्या, मळमल होणे, तसेच खाण्याची इच्छा न होणे यासारके प्रकार पावसाळ्यात होतात.

त्यामुळे रस्त्यावरचे उघडे पदार्थ खाणे टाळावे. तसेच बाहेरचे ज्युस पिल्याने पचनक्रियेत बिघाड होऊ शकते. त्यामुळे पावसाळ्यात गरम पदार्थ खावेत. तसेच ताजे पदार्थ खाण्यास प्राधान्य द्यावे.

पावसाळ्यात दूषित पाण्यामध्ये इकोलाय हा जिवाणू आढळून येत असतो. या जिवाणूने पोटात प्रवेश केल्यानंतर पोटाचे कार्य बिघडवून विविध पोटविकारांना आमंत्रण देत असतो.

अशा विकाराच्या आजारांवरील उपचारासाठी काही काळ अँटिबायोटिक्स घ्यावी लागतात. पावसाळ्यात कावीळ होण्याची शक्यता असते. त्यामध्ये हिपेटायटिस ए आणि ई ही कावीळ दूषित पाणी पिल्याने आजार निर्णाम होतात.

• पावसाळ्यात कोणती काळजी घ्यावी

1. पावसाळ्यात वॉशरूममधून आल्यावर हात साबणाने स्वच्छ धुवावे.

2. पदार्थ ताजे आणि गरम खावे.

3. संतुलित आणि पोषक आहार घ्यावा.

4. नियमितपणे व्यायाम करावा.

5. आरोग्यतज्ञांचा सल्ला घ्यावा.