Hibiscus Oil: आजच्या बदलत्या जीवनशैलीचा आपल्या आरोग्यावर मोठा परिणाम होत असतो. वाढते प्रदूषण आणि बदलता आहार यांचा आपल्या त्वचेवर आणि केसांवरही मोठा परिणाम होताना दिसत असतो.

केसगळतीच्या समस्येने आज अनेकजण त्रस्त आहेत.अनेकजणांनी डॉक्टरांनी सांगितलेल्या उपायांचा करुनही केसगळतीचे प्रमाण कमी होत नाही. काहींच्या केसामध्ये वाढ होत नाही. जास्वदांचे तेल यावर उपाय म्हणून वापरण्याचा सल्ला अनेकदा आपल्या जून्या पीढीकडून मिळत असतो.

हे जास्वदांचे तेल आर्युवेदक आहे. या तेलामुळे केसांचे आरोग्य जपले जाते. हे जास्वदांचे तेल कसे बनवले जाते हे जाणून घेऊयात.

घरात हे तेल बनवायचे असल्यास जास्वदांच्या फुलांचा 1 लीटर रस काढावा. त्यात तेवढेच खोबरेल तेल घालून मंद अग्नीवर हे फुलांचा रस आणि तेल एकत्र करुन उकळावा. त्यामध्ये वाळा, नागरमोथा जटामासी,तगर आणि मंजिष्ठा चूर्ण टाकावे.

केवळ तेल शिल्लक उरेपर्यत हे मिश्रण उकळावे. थंड झाल्यावर गाळून निर्जंतुक कंटेनरमध्ये भरुन ठेवावे. हे तेल केसांचा रंग आणि तजेला टिकवणारे आहे. शिवाय केसांची घनता वाढवणारे आहे.