holi 2024 how to get rid from bhang hangover

यंदा होळी 25 मार्च रोजी साजरी केली जाणार आहे. ज्याची तयारी अनेक दिवसांपासून सुरू होते. बाजारात रंग, पिचकारी यासारख्या गोष्टींनी भरून जाते. यातील सर्वात खास गोष्ट म्हणजे घरी विविध प्रकारचे पदार्थ बनविले जातात.

अतिथींचे स्वागत गोड, खारट आणि मसालेदार चवींनी केले जाते. या रंगांच्या सणामध्ये भांगाचेही वेगळे महत्त्व आहे, पण भांगाचा हँगओव्हर कमी करण्यासाठी पुढील घरगुती पदार्थांचा वापर करू शकता.

• लिंबू पाणी

लिंबू पाणी भांग, दारू यासारख्या पदार्थांचा हँगओव्हर कमी करण्यास मदत करतो. बरं, फक्त लिंबूच नाही, यासाठी तुम्ही संत्री, मोसंबी यांसारख्या कोणत्याही लिंबूवर्गीय फळांचे सेवन करू शकता. लिंबू कापून फोड चाटणे किंवा किंवा कोमट पाण्यात मिक्स करून पिणे, दोन्ही फायदेशीर आहेत.

• तूप किंवा बटर

तूप किंवा बटरचे सेवन करून तुम्ही भांचे हँगओव्हर कमी करू शकता. जर कोणाला हँगओव्हर झाला असेल पण तुप किंवा बटर खाऊ शकत नाही. अशावेळी तुम्ही कोणत्याही पदार्थात टाकून खाऊ शकता. तुम्ही दुध, चपाती किंवा इतर अनेक पदार्थांमध्ये मिक्स करून खाऊ शकता.

आलं

भांगाच्या हँगओव्हरपासून मुक्त होण्यासाठीही आलं खूप उपयुक्त आहे. यासाठी आल्याचा छोटा तुकडा घेऊन त्याची साल काढावी. ते तोंडात ठेवा आणि दातांनी हळूवारपणे दाबावे. यामुळे त्याचा रस शरीरात पोहोचेल. एकदम खाऊन पाणी पिणे टाळावे.

नारळ पाणी

नारळ पाणी पिणे आरोग्यदायी असते. नारळ पाणी प्याल्याने शरीराला, त्वचेलाच नाही तर भांगचा हँगओव्हर कमी करण्यास मदत करतात. यासाठी नारळ पाणी फ्रेश प्यावे. यामध्ये खनिजे आणि इलेक्ट्रोलाइट्सने समृद्ध असतात. उन्हाळ्यात नारळ पाणी प्यायल्याने तुमचे शरीर हायड्रेट राहते.