Nose Wax: सुंदर दिसण्याची मुली अनेक ब्युटी प्रोडक्टचा वापर करतात. अनेक महिला त्यांच्या चेहऱ्याकडे खूप लक्ष देतात. स्किन केअर रूटिनमध्ये महिला हात आणि पायांवरचे केस काढण्यासाठी वॅक्सिंगचा वापर करतात. पण अशा काही महिला आहेत ज्या नाकातील केस काढण्यासाठी वॅक्सिंगचा वापर करतात. पण तज्ञांच्या मते असे करणे त्वचेसाठी हानिकारक ठरू शकते.

मिररच्या अहवालानुसार डॉक्टरांनी महिला आणि पुरुषांना नाकातील केस काढण्यासाठी वॅक्सिंगचा वापर न करण्याचा असा सल्ला दिला आहे. डॉक्टरांचे म्हणणे आहे की नाकातील केस काढण्यासाठी वॅक्सिंगचा वापर केल्यास नाकामध्ये गंभीर संसर्ग होऊ शकतो. याला नेजल वेस्टिबुलिटिस असे म्हणतात. इतकंच नाही तर त्यामुळे जळजळ, खाज यासारख्या समस्या निर्माण होतात. या समस्येवर अनेक उपाय आहेत.

• नकातील केस काढल्यास संसर्ग होण्याचा धोका

नाकातील केस हवेतील धुळीचे कण आणि जंतु शरीरात जाण्यापासून रोखतात. डॉ. निकोल एरोनसन याच्या मते, नाकातील केस काढल्यास हवेतील धुळीचे कण आणि जंतु थेट शरिरात प्रवेश करतात. यामुळे आपल्याला श्वसनाचे आजारा निर्माण होऊ शकतो.

• नाकातील केस काढण्यासाठी वॅक्सिंगऐवजी ट्रिमिंगचा वापर करावा

वॅक्सिंग केल्याने नाकातील केस मुळापासून नष्ट होतात. यामुळे हवेतील धोकादायक जंतु शरीरात जातात. यामुळे अनेक आजारांना सामोरे जावे लागू शकते. जर तुम्हाला नाकातील केसांचा काही त्रास होत नसेल तर वॅक्सिंग न करता तुम्ही ट्रिमिंगचा वापर करू शकता. यामुळे कोणताही त्रास होणार नाही. तसेच कोणताही संसर्ग होण्याचा धोकाही कमी होईल.