स्त्री आणि पुरुषांना केसांची योग्य काळजी घेणे गरजेचे आहे. मात्र अनेक कारणांमुळे लोकांचे केस गळतात अथवा पांढरे होऊ लागतात. केसांची योग्य निगा राखण्यासाठी, केस किती वेळा धुवावेत असा प्रश्न अनेक लोकांना पडतो. असे म्हणतात की वारंवार केस धुतल्याने खराब होतात. त्याचबरोबर केस न धुतल्याने केस गळणेही सुरू होते. अशा परिस्थितीत आठवड्यातून किती वेळा आणि केव्हा केस धुवावेत याबाबत लोक संभ्रमात असतात.

केसांच्या प्रकारानुसार हेअर वॉश कधी करायचे ते जाणून घ्या

जर तुमचे केस कोरडे असतील तर आठवड्यातून दोनच वेळा केस धुवावेत.

जर तुमचे केस तेलकट असतील तर आठवड्यातून 5 वेळा केस वॉश केले तरी चालतात.

कुरळे केस आठवड्यातून दोन ते तीन वेळा धुता येतात. जास्त धुतल्याने कुरळे केस अधिक कोरडे होतात. त्यामुळे कुरळे केस आठवड्यातून दोन-तीन वेळाच धुवावेत.

केस धुण्याचा योग्य मार्ग

केस तेलकट व चिकट असतील तर ते धुण्यासाठी शॅम्पूचा वापर करा.

तुम्ही केस सामान्य पाण्याने ओले करून देखील धुवू शकता.

उन्हाळ्यात घामामुळे केस धुण्याची गरज भासते. अशा परिस्थितीत, शॅम्पू अथवा साबनाने देखील केस धुवू शकता.