Diet Tips For Looking Young: तारुण्य हा माणसाच्या आयुष्यातला सर्वात महत्वाचा काळ मानला जातो. या वयातली लोक आपल्या दिसण्याने लोकांना आकर्षित करुन घेत असतात.

तरुण वयातले लोक इतरांच्या तुलनेने जास्त ऊर्जादायी असतात. त्यामुळे आपले तारुण्य चिरकाल राहावे असे अनेकांना वाटत असते.

आपल्या शरिरावर, आपल्या त्वचेवर आपण कोणत्या प्रकारचे अन्न खातो, व्यायाम काय करतो, आपल्या आहारात काय कशाचा समावेश असतो त्याचा परिणाम आपल्या आरोग्यावर होत असतो. मात्र वाढत्या वयाचा परिणाम आपल्या शरिरावर होऊ लागला की अनेकजण काळजीत पडतात.

आज आपण जाणून घेऊयात असे काही अन्नपदार्थ किंवा शरिराला आवश्यक असलेले असे काही घटक ज्यामुळे आपले तारुण्य टिकवण्यास मदत होईल.

1. प्रोटीन

त्वचा चमकदार आणि तरुण दिसण्यासाठी प्रोटीन अत्यावश्यक मानले जाते. हे प्रोटीन आपल्याला मोठ्या प्रमाणात मासांहरातून मिळते.

तज्ञांनी दिलेल्या माहीतीनुसार, अॅनिमल प्रोटीनमध्ये मोठ्या प्रमाणात लोहाचे प्रमाण जास्त असते. यामुळे त्वचेच्या पेशींमध्ये ऑक्सिजन पोहचवण्यासाठी मदत करते. त्यामुळे आपल्या आहारात योग्य प्रमाणात प्रोटीन असणे गरजेचे असते.

2. ऑर्गन मीट

ऑर्गन मीटकडे अनेकदा दुर्लक्ष केले जाते पण ते पोषणाचा खजिना आहे. त्यामध्ये सर्व आवश्यक पोषक घटक आढळतात, जे त्वचेला तरुण ठेवण्यासाठी आवश्यक असतात.

यकृत हे विशेषतः जीवनसत्त्वे आणि खनिजांचे पॉवरहाऊस आहे. हे व्हिटॅमिन ए चा चांगला स्रोत आहे, जो त्वचा निरोगी ठेवण्यासाठी आवश्यक आहे. व्हिटॅमिन ए त्वचेचे नैसर्गिक मॉइश्चरायझर असलेल्या सेबमच्या निर्मितीस मदत करते.

3. हेल्दी सॅच्युरेटेड फॅट्स

सॅच्युरेटेड फॅट्स हे बर्‍याचदा शरिरासाठी योग्य मानले जात नाहीत. परंतु हेल्दी सॅच्युरेटेड फॅट्स चांगल्या आरोग्यासाठी आवश्यक असतात आणि तुम्हाला तरुण दिसण्यात मदत करू शकतात. तूप, लोणी आणि खोबरेल तेल यासारख्या गोष्टी हेल्दी सॅच्युरेटेड फॅट्सने भरलेल्या असतात.

हे आपल्याला आवश्यक फॅटी ऍसिड प्रदान करते जे त्वचेचे पोषण आणि मॉइश्चराइझ करते. हायड्रेटेड राहिल्याने त्वचेची आर्द्रता टिकवून ठेवण्यास आणि बारीक रेषा आणि सुरकुत्या रोखण्यास मदत होते.

4. कोलेजनचे प्रमाण असलेले पदार्थ

कोलेजन हे प्रोटीन आहे जे तुमची त्वचा लवचिक राहण्यास मदत करते. जसजसे आपण वय वाढते तसतसे नैसर्गिकरित्या कोलेजनचे शरिरात निर्माण होणारे प्रमाण कमी होत जाते. कोलेजनच्या अभावी ज्यामुळे त्वचा सैल होते आणि सुरकुत्या दिसू लागतात.

आपल्या आहारात हाडांच्या मटनाचा रस्सा सारख्या कोलेजनयुक्त पदार्थांचा समावेश केल्याने ही प्रक्रिया मंद होण्यास मदत होऊ शकते. कोलेजन त्वचेचे हायड्रेशन सुधारू शकते, सुरकुत्या कमी करू शकते आणि त्वचेची लवचिकता वाढवू शकते.

5. अँटिऑक्सिडंट असलेले पदार्थ

आपल्या आहारात अँटीऑक्सिडंट असलेले पदार्थ असणे गरजेचे असते. बेरी आणि हळद यांसारख्या अँटिऑक्सिडंट-समृद्ध पदार्थांमध्ये शरिरातील फ्री रॅडीकल्सना न्यूट्रल करण्यात मदत करतात.

याबरोबरच ब्लूबेरीज, आक्रोड, अॅव्हॅकाडो, डार्क चॉकलेट, ब्रोकोली, हिरव्या पालेभाज्या आपल्या शरिरासाठी उत्तम मानल्या जातात.