Acro Yoga: शरिर निरोगी राहण्यासाठी योगा करणे फायदेशीर ठरते. फिट राहण्याचा हा एक बेस्ट उपाय आहे. योगा करणे शाररीरिक आणि मानसिक आरोग्यासाठी चांगला मानला जातो. सध्या अॅक्रो योगाचा नवा ट्रेंड वाढत आहे. अॅक्रो योग हा अॅक्रोबॅटिक्स, थाय मसाज आणि योगाचे मिश्रण आहे. हा योग करण्यासाठी दोन व्यक्तींनी एकत्र सराव करणे गरजेचे असते. या योगामध्ये स्ट्रेच आणि जिम्नॅस्टिक यांचा समावेश होतो. हा योग प्रकार केल्याने वजन नियंत्रणात ठेवता येते. तसेच रोगप्रतिकारशक्ती वाढवण्यास मदत करते.

• अॅक्रो योग म्हणजे काय?

अॅक्रो योगा हा एक प्रकारचा शारीरिक व्यायाम आहे. यामध्ये योग आणि अॅक्रोबॅटिक्सचा समावेश असतो. चीअरलीडिंग, डान्स अॅक्रो आणि सर्कस आर्टची झलक पाहायला मिळते. हा योगा तुम्ही एकटे किंवा दोघांमध्ये करू शकता.

अॅक्रो योगाचे फायदे कोणते?

• एकाग्रता वाढते

अॅक्रो योगा केल्याने एकाग्रता वाढते. दररोज दोन ते तीन मिनिटे या योगाचा सराव केल्याने एकाग्रता वाढते आणि काम देखील व्यवस्थित होते. हा योगा हे मेंदूसाठी फायदेशीर मानला जातो.

• लवचिकता वाढवते

योगा केल्याने स्नायुंना ताण पडतो. यामुळे शरीराची लवचिकता वाढते. शरीराचे अनेक आजार दूर होण्यास मदत मिळते.

• मानसिक आरोग्यासाठी फायदेशीर

हा योग प्रकार केल्याने मानसिक आरोग्य चांगले राहते. अॅक्रो योग केल्याने मन शांत राहण्यास मदत मिळते.

• स्नायु मजबुत होतात

अॅक्रो योगा हा एक डायनॅमिक वर्कआउट आहे. जो शरीराच्या स्नायूंना मदत करतो. असे केल्याने शरीर मजबूत होते आणि कार्यक्षमता वाढते. त्यामुळे कोणतेही काम करताना लवकर थकवा येत नाही.

• अॅक्रो योगा करताना कोणत्या गोष्टींची काळजी घ्यावी

अॅक्रो योग करताना दोन लोकांची गरज असते.

हा योग करताना अशा व्यक्तीसोबत हा योग करा, ज्याच्यावर तुम्ही पूर्ण विश्वास ठेवू शकता.

प्रोफेशनल प्रशिक्षकाकडून ट्रेनिंग घेऊनच हा अॅक्रो योगा सुरू करावा.

अॅक्रो योगा करतांना हळूहळू सरावा.